قال محمد صلاح نجم منتخب مصر ونادي ليفربول، انه يخاف على أكل العيش، لذلك كان يتجنب أي قرارات قد تؤثر على مستقبله،مضيفًا: “كنت عايز ابقى لعيب كورة وكنت بشوف ايه الصح واعمله وايه الغلط ومعملوش ، حتى مع اصحابي كنت ببعد عن الحاجات الغلط وحياتى كلها بديها للكورة”.
وأضاف صلاح خلال لقائه مع الإعلامية إسعاد يونس، في برنامجها “صاحبة السعادة” على قناة دي إم سي: “كان هدفي في الحياة أن أتجنب الوقوع في الخطأ مهما كان حجمه حتى لا تتأثر مسيرتي في الكرة”.
وواصل:”فيه اصحاب ليا في الكرة ربما يكونوا أكثر موهبة مني لكنهم التفتوا لأمور مثل السهر والغياب عن التدريبات والدخول في صدامات مع المدربين، وقراراتي كانت لكرة القدم فقط، لما كان عندي 14 سنة، كان هدفي في الحياه معملش حاجة غلط؛ عشان ابقى لعيب كورة كويس”.
وتابع محمد صلاح، أنه كان فيه مواهب أحسن منى وكنت ببص عليهم مكانش شغفهم لكرة القدم كدة واتنسوا بسرعة، وكانوا بيتصرفوا غلط من خناقات مع المدربين، وانا ملتزم بشكل عام”.
وأشار النجم المصري محمد صلاح إلى أن “اللاعب وهو صغير، بيبقى شايف إنه أكبر من المدرب”.
