أعلن المخرج محمد سامى عن بعض تفاصيل الجزء الثانى من مسلسل جعفر العمدة والذى من المقرر أن يعرض في رمضان المقبل.
مسلسل جعفر العمدة
وأضاف محمد سامى فى تصريحات تلفزيونية: الجزء الثانى من جعفر العمدة سيكون مختلفا تماما عن الجزء الأولى ولكن الشخصيات امتداد للجزء الأول.
وتابع محمد سامى: إن شاء الله هنصور كمان تلت أيام، للعرض في رمضان 2024، وهو مسلسل نوعية دراما وإثارة، وأعتقد أنه هيكون مسلسل مختلف ويا رب يلقى النجاح الجماهيري.
وفي وقت سابق، كشف الفنان مجدي بدر عن رأيه في عمل جزء تاني من مسلسل ” جعفر العمده” قائلا :’ الاغلبية من الأعمال اللي نجحت واتعملهو اجزاء تانية كملت نجاحها مثل مسلسل ليالي الحلميه ، رافت الهجان.
وأضاف خلال حواره في برنامج “on the top” مع الإعلامي شريف عبد الرؤوف على قناة الشمس :’ فيه كذا عنصر مهمين وهو المخرج محمد سامي هو من المخرجين الاذكياء وعنده سينس عالي بيعرف يوظف الحدوتة، الشتاء محمد سامي ورمضان لا يمكن هيدخلوا عمل وهما مش مالكينه كويس.
وتابع:’ معنديش خلفية مين اللي هينضموا للجزء التاني أو هينسحبوا ولكن الحاجه الوحيدة اللي منأكد منها أن بلال شامه مش هيكون موجود في الجزء التاني لأنه اتقتل خلاص، ممكن استنتج أن دلال متبقاش موجودة لأنها اتسجنت، عايدة لانها سابته ومشيت.
ختم :’ محمد سامي ضافلي حاجات كتير جدا، اولا هو اللي كاتب وهو المخرج الحته دي فيها ميزة أن تفاصيل الشخصية بيكون سهل يوصلهالك ودا اللي حصلي فعلا غير أن كان معاه ٣٠ حلقة كاملين ففاهم اتطورت الشخصيات عاملة ازاي.
