شهدت الحلقة الثامنة والعشرون من مسلسل “الاختيار 3 – القرار” والتى حملت اسم “30 يونيو”، العديد من الأحداث المهمة.
اقرأ أيضًا.. مشاهدة مسلسل الاختيار 3 الحلقة السابعة والعشرون
وشهدت الحلقة اجتماع وزير الدفاع الفريق أول عبد الفتاح السيسى (ياسر جلال) ومحمد مرسى (صبرى فواز)، بعد خروج مظاهرات 30 يونيو، حيث يكشف السيسى لمرسى عن البيان الذى ينوى إعلانه للشعب، لتهدئة الأوضاع.
وجاء فى البيان: “إذا لم تتحقق مطالب الشعب خلال المهلة المحددة فسوف يكون لزاما على القوات المسلحة استنادا لمسئوليتها الوطنية والتاريخية واحتراماً لمطالب شعب مصر العظيم أن تعلن عن خريطة مستقبل وإجراءات تشرف على تنفذيها، بمشاركة جميع الأطياف والاتجاهات الوطنية”.
ويرد مرسى:”مش قادر أفهم يعني هل ده تحذير ليا أنا؟، ليجيب السيسى: “لا والله ده طلب، رجاء للجميع إنهم يحطوا مصلحة البلد فوق كل اعتبار لأن القوات المسلحة مش هتسمح أبداً لحدوث اقتتال داخلى، مش هنسمح كمان إن البلد تدخل فى دائرة العنف، وتبقى شبه بلاد تانية حضرتك شايف اللي حصلها واللي بيحصل فيها لغاية دلوقتى”.
ويقول مرسى: “خلي بالك يا سيادة الفريق إن المعارضة دي كلها كلام وبس، ملهمش وجود حقيقي على الأرض، اللي فى الشارع دول كلهم مؤيدين”، ويوضح السيسى: “حجم تظاهرات المعارضة كتير يا سيادة الرئيس”، ويقاطعه مرسى: “مش كتير ولا حاجة يا سيادة الفريق هم كلهم 120 ألف وبيزودوهم بالجرافيك”، وبعدها يتم عرض مشهد حقيقى من بيان السيسى بإمهال الجميع 48 ساعة لتلبية مطالب الشعب”.
وقال الفريق السيسى: “فخامة الرئيس أنا ممكن أجيب لحضرتك فيديوهات التصوير الجوي والتى تبين العدد الحقيقي الموجود فى الشارع، الموضوع أكبر بكتير من اللي حضرتك بتقول عليه ده صدقني يا فندم، الحل اللي بنعرضه دلوقتى ده هو أفضل حل ممكن ينطرح فى الوقت الحالى.. على العموم يا أفندم أنا كان لازم أبلغ سيادتك بالبيان قبل ما يتذاع”.
رصدت الحلقة الثامنة والعشرون من مسلسل “الاختيار 3 – القرار”، عقد حركة تمرد مؤتمراً صحفيا فى نقابة الصحفيين بعد الوصول إلى 22 مليون استمارة موقعه بسحب الثقة من محمد مرسى، ودعا القائمون على الحركة الشعب للنزول للتظاهر يوم 30 يونيو، وأن محمد مرسى لم يعد رئيسا شرعياً لمصر، وطالبوا بأن يتولى رئيس المحكمة الدستورية العليا إدارة شئون البلاد.
بدأت الناس فى النزول يوم 30 يونيو فى ميدان التحرير بأعداد غفيرة، ويدور حديث بين وزير الدفاع الفريق أول عبد الفتاح السيسى (ياسر جلال) ومدير مكتبه عباس كامل (جمال سليمان)، حيث يؤكد السيسى أن الناس نزلت بهذا العدد لأنهم شعروا بالخطر على البلد والقلق من القادم، وأن ما يحدث يضع القوات المسلحة أمام مسئولية كبيرة وتاريخية.
مسلسل “الاختيار 3 – القرار” يُعرض على قناة ON الساعة 9.30 مساء والإعادة الساعة 4.20 صباحاً والساعة 3.25 مساء، ويعرض على قناة ON دراما الساعة 11.20 مساء ويعاد الساعة 6 صباحا والساعة 10.30 صباحا والساعة 4.40 مساء.
مشاهدة مسلسل الاختيار الحلقة الثامنة والعشرون
