قال الإعلامي مصطفى بكري، إن الشعب المصري لم ينس مواقف الرئيس عبد الفتاح السيسي، وإنقاذه لمصر في وقت الأزمات.
وأضاف “بكري”، خلال برنامج حقائق وأسرار”، المذاع على قناة صدى البلد، أن الوزير اللي مش نافع لازم يمشي عشان مصر محتاجة تتقدم، وتابع:” فيه ناس عاوزة تظلم البلد وتهدها على اللي فيها”.
وتابع:” الاستفزاز من بعض الأشخاص في الساحل الشمالي بقي عيني عينك، والله إحنا مش ضد الغنى من الحلال ربنا يبارك لهم بس لما تبقى الفيلا 500 متر بـ 118 مليونا، يبقى بالراحة على مشاعر الغلابة، وفيه 40 سيارة فيراري دخلوا مصر في 6 أشهر، 25 منهم في المنصورة والواحدة بـ 20 مليونا”.
وأشار مصطفى بكري، إلى أن زيادة فاتورة الاستيراد ترفع الأسعار في الداخل لكن ما زال هناك أمل في الإصلاح ومعالجة المشكلات المختلفة، مردفا أن الرئيس السيسي يسهر ليل نهار من أجل الوطن وهمومه.
وتابع:” بأنه يتحدث عن المشكلات في إطار حبه ودعمه للدولة الوطنية الديمقراطية لكن هناك أشخاص يريدون إسقاط مصر.. واجهوا أنفسكم بالحقيقة وبلاش أي حد يقول كلمة تقولوا أهو مصطفى بكري بتاع النظام بيتكلم، عشان إحنا بينتكم من أجل البلد”.
