كتبت-ندى ياسر
هاجم ابن الكاتب مصطفى محرم حسين محرم المخرج جمال عبد الحميد، بعدم تصريحه الأخير بأنه كتب سيناريو مسلسل ريا وسكينة كاملًا، بدلا من مصطفى محرم وأنه والده لا يعرف الكتابة.
وقد كتب حسين مصطفى محرم عبر حسابه على فيسبوك: الأستاذ المخرج جمال عبد الحميد هو حضرتك عشان تعمل تريند تطلع تقول إنك اللي كتبت مسلسل ريا وسكينة، وهو حضرتك تعرف أصلا تكتب مسلسل بمستوى ريا وسكينة ولا تعرف تكتب بحرفية سيناريست كبير زي مصطفي محرم؟
وأضاف: ومين كان هيسمحلك؟ هل المنتج الكبير جمال العدل كان هيسمحلك؟ ولا والدى كان هيسمح إن حد يكتبله؟ ولما حضرتك شاطر أوي في الكتابة كده ليه ماشفناش أي عمل ناجح من تأليف حضرتك؟.. أستاذ جمال عبد الحميد حضرتك كداب
ومن الجدير بالذكر أن المخرج جمال عبد الحميد صرح مؤخرا في لقاء تلفزيوني : مسلسل ريا وسكينة كان بالنسبة لي مرفوض بعد ما شفت السيناريو، وسامي العدل قالي اقرأ الكتاب اللي مكتوب منه السيناريو، وكان للكاتب صلاح عيسى وقريته، وقابلت صلاح عيسى وهو حد مثقف ومدرك وواعي جدا الله يرحمه، وقلتله أنا هاخد الحوار وأخدت تفاصيله وعملتها مسلسل، وكتبت المسلسل بناء على اللي كاتبه صلاح عيسى، وكنت فرحان إني بعمل شغل لصلاح عيسى وأنا اللي كتبت السيناريو بتاعه للآخر
