وجه الرئيس عبدالفتاح السيسي، بعض الرسائل المهمة لأولياء الأمور خلال حديثه في افتتاح مركز البيانات والحوسبة السحابية الحكومية.
وعلق قائلاً:” أنبه المصريين اللي بيروحوا يقفوا مع ولادهم في المراكز وأنا معاهم، فرص إننا نعلمهم الكلام ده متاحة (يقصد خدمات التعهيد وتكنولوجيا المعلومات)
واستكمل :” المجال ده يا جماعة عايز مليون شخص كل سنة، أنا في مصر فين؟ احنا بنعمل حاجات كتير أوي كتير من الناس البساط ميعرفوش بتتعمل عشان تحقق لينا إيه ..أنا بقول لكل أسرة عندها ولاد في ابتدائي وإعدادي دلوقتي، إذا كنتم عايزين تعملوا حاجة لولادكم وبلدكم، لازم بوصلتنا تكون كده”
وتابع الرئيس السيسي: فيه دول عدد سكانها لا يتعدى أصابع اليدين، وبيشتغل في المجال ده نصف مليون عارفين يعني إيه 500 ألف بني آدم، كل واحد بيعمل 100 ألف دولار..ده مش عايز مصنع عايز دماغ، فيه دول عندها 3 مليون واحد شغال، أنا هدفي أشاور لنفسي والناس والحكومة”
وأضاف “:أنا مهتم بالإنسان طب انت بتعلمه إيه، هتقولي انت بتعلم..احنا عاملين جامعات وبنستهدف أرقام طموحة من وجهة نظر وزير الاتصالات..ومن وجهة نظري متواضعة جدا، عايزين نخرج من اللي احنا فيه، أنا عايز 200 و300 مليار دولار”
وأوضح :”أيوة لازم تعرفوا حجم طلبات مصر، وتقولوا الدنيا غالية، الكلام أنا بربطه ببعضه.. ولو كل إنسان ومدير مدرسة وعميد كلية كان في دماغه ده، عشان يشوف مين مستعد فيهم أنا المعدلات اللي حاططها عمرو مش كفاية، لإن معدلات النمو السكاني أكبر”
