كتبت -شروق حجازي
حلت الفنانة صفاء جلال ضيفة في برنامج كلام من الناس مع الإعلامية “ياسمين عز” وأصدرت عدد من التصريحات الجريئة.
اقرأ المزيد..بسنت عادل بطلة السوشيال ميديا.. استغلت إدارتها لأكثر من 40 جروب في تحقيق إنجازات إنسانية
قالت الفنانة صفاء جلال:” إن زوجها اشترط عليها عدم تجسيد دور الراقصة مرة أخرى ، وذلك بعد مسلسل “امرأه في زمن الحب”.
واستطردت:”بعد ما عملت دور الراقصة في مسلسل “امرأه في زمن الحب” جوزي قالي مش هتعملي دور راقصة تاني ، كملي تمثيل بس بلاش دور الراقصة و طبعاً سمعت كلامه عشان ميزعلش “.
وقالت :” عملت عملية نحت لجسمي ، لاني في فترة كنت تخنت اوي وقابلت دكتور و عملت عملية بس بعدها سبت نفسي و تخنت تاني ، فبعدها عملت كبسولة للمعدة عشان ما اكلش لاني كان عندي مشكلة في الأكل بليل”.
وأوضحت:” أن ما تفعله يعتبر مجهود على أي ست و خصوصاً اللي عدت الـ 45 لأنها بتبقى عارفة أنها بتبذل مجهود أكتر من بنوته عندها 20 سنه ، والمشكلة مش فيا بس عشان الناس متعودة عليا من أيام الضوء الشارد كنت رفيعه جدا و بحاول على قد ما اقدر اوصل لشكل لطيف الناس تتقبله “.
وقالت صفاء :” اشتغلت مع الزعيم عادل إمام في مسلسل صاحب السعادة وكان جسمي رفيع ، وغبت فترة وجيت اعمل ضيقة شرف معاه في مسلسل عوالم خفية وكان جسمي مليان قالي تخنتي ليه يا صفاء قولتله اكتئاب ، قالي اوعى تزعلي افرحي و اضحكي على طول وحبي الدنيا و متبصيش للجانب السلبي من الحياة و خليكي مبسوطه ساعتها عمرك ما هتكبري”.
كشفت الفنانة صفاء جلال، عن عمرها الحقيقي على الهواء، قائلة: “أنا داخلة على الـ49 سنة حاليا”، لافتة: “أنا عشت كل مرحلة عمرية بحلوها مرها”.
وأضافت: “مش بتكسف أني أقول عندي كام سنة، والناس بقيت ذكية أوي يعني مش هطلع أقولهم انا عندي 35 سنة وعمر ما السن شكل ليا مشكلة”.
وقالت :”90% من زميلاتي مطلقات، بس أنا قررت أتجوز راجل شرقي، أسمع كلامه، وأمشي على مزاج ، الجواز عامة تفاهم واحترام وحاجات كتير، لازم نبقى احنا الاتنين بنشوف إيه اللي يزعل التاني، ومانعملوش، ودايما أول لما بيجيلي دور في عمل فني، لو لقيت فيه أي محاذير أخلاقية؛ مش بعمله، حتى لو بيعملي إيه، هو الحمد لله إحنا بقالنا دلوقتي 24 سنة مع بعض”.
واستطردت :”وواصلت حديثها: “الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك”.
موضوعات ذات صلة:
