كتبت – شروق حجازي:
كشف الفنان سمير صبري خلال مداخلة تليفزيونية عن تطورات حالته الصحية، مطالبا بالدعاء له، موضحا: “سأجري عملية دقيقه في القلب، وبقالي سنة ونص بتعالج من حاجات كيماوية وتعبت أوي”.
أقرأ المزيد..هنا الزاهد تهنئ زوجها أحمد فهمي على مستر إكس
وأضاف خلال مداخلة هاتفية في برنامج الحكاية مع الاعلامي عمرو أديب: “عمري ما اتأخرت على حد، واقفوا جمبي وساعدوني في علاجي، في المستشفى جايبنلي دكاتره وعاوز ابقي تحت رعاية، حبيبي عمرو اديب ربنا يخليك ويقدرني ارد قد ربع من اللي إنت هتعمله”.
واسكتمل حديثه قائلا:”بيزروني كل ما يخطر علي بالك، وايمي ودنيا سمير غانم مفيش يوم مش بيعدوا عليا في المستشفى، وبقيت شلة بتاعة الدفعة، حسين فهمي، وميرفت أمين.. بس عايزك تاخد بالك مني يا عمرو الله يخليك “.
وأضاف الفنان سمير صبري: “عاوزك تدعيلي في كل صلاة، وأشكر الرئيس السيسي رجع مصر للعالم كله”.
ورد عليه الإعلامي عمر أديب قائلاً: “مصر فيها فنانين تاريخ ونحبهم وهم أبطال الزمن الجميل، أحد الفنانين هو المغني العظيم وممثل متميز وإعلامي مدرسة، كما أن الفنان سمير صبري كان في صراع مع المرض منذ سنه ولكنه اشتد عليه وانتقل إلى المستشفى منذ أيام.
وأنهى عمر أديب حديثه قائلا: “عايزين نقول لسمير صبري قد إيه بنحبه وبنقدره وبندعيله يعود لنا مرة أخرى ونسعد به وبكلامه وأغانيه وحكاياته العظيمة، سمير صبري دايما صاحب واجب، والدولة لن تألو جهداً عشان تسأل ايه ممكن يحتاجه سمير صبري.
موضوعات ذات صلة:
جروب FEMALE داعم نفسي للفتيات.. وصاحبته: فكرته جاءت بعد تجربة قاسية
جروب SUGARY عالم صغير لأسرار الميكب.. صاحبته تدرس الصينية ولكنها تهتم بعالم التجميل
