كتبت- أسماء نافع

قبل عام ونصف بدأت رنا أحمد، صاحبة الـ 31 عامًا، مشروعًا جديدًا بعد عدة مشروعات خاضتها لكنها لم تُكملها، حب للعطور والروائح الجذابة الجميلة، كان دافعها لدخول مجال الشموع المعطرة، لتجد شموعها أشبه بتحف وأنتيكات قيمة للغاية، لدرجة أن البعض يصفها بـ ملكة الشموع المعطرة.

أقرأ أيضًا.. كلها بهجة.. طريقة هاجر المميزة لتقديم الأكل (بالألوان والكرتون وحياة ديزني)

تقول رنا لموقع الحكاية :” جربت أكتر من مشروع في البداية من البيت لأن طول عمري بشتغل ومليش في الفراغ والوقت الفاضي، اشتغلت في مستحضرات التجميل ومكملتش وكمان عملت مشروع بيتزا بيتي وببيع قواعد بيتزا وكانت مربحة وناجحة بس ظروفي الصحية مساعدتنيش، كنت لوحدي والموضوع مجهد جدًا”.

وبعدها اتجهت للشموع المعطرة، لأنها كما تحكي :”أنا بحب الشموع لأني شخص بيحب كل حاجة وأي حاجة ريحتها حلوة ومعظم المقربين مني عارفين ده.. والعملاء بيكونوا مبسوطين من الشغل لأن الشموع بتخلي ريحة البيت حلوة حتى وهي مش شغالة “.

وتنتظر رنا بعد كل منتج لها رد فعل العميل عليه،  ولا تنزعج أبدًا من النقد البناء الذي يساعدها على تطوير عملها، وتعتمد في عملها كليًا على السوشيال ميديا، لأنها حلقة الوصل بينها وبين العملاء :” بتوصلني للناس وبتعرفهم بشغلي وهي برضه اللي بيتكتب عليها الريفيوز اللي بتقيم شغلي، ومهم جدًا لأي عميل قراءة الريفيوز على البيدج قبل ما تشتري اون لاين ولابد من التأكد أن الصور على الطبيعة واعرف مواصفات المنتج، لأن مشاكل الأون لاين تضر السيلر المحترم وليس الغشاش”.

موضوعات ذات صلة..

بفضل الرسم مصطفى محمد يتحول من نقاش لفنان تشكيلي

“إسراء عادل” صيدلانية سحرتها الألوان لاحتراف فن الريزن: ميزته في صعوبة تقليد