صاحب جروب Traveller Experience لـ الحكاية: هدفي أساعد الناس تسافر داخل وخارج مصر بأقل تكلفة

كتبت : أوركيد سامي 

تحدث الشاب معتز محمد مؤسس جروب  Traveller Experience، لموقع الحكاية عن جولاته حول العام وقدم عدد من النصائح  لمحبي وعشاق السفر.

وقال معتز: “لفيت ٨٠٪ من مصر، وأكتر من ٢٠دولة، و٤٠ جزيرة حول العالم، فأنا أعشق المغامرة والاختلاط بالثقافات المختلفة، وهدفي أساعد الناس تسافر داخل وخارج مصر بشكل بسيط بدون تكلفة وعمل ترويج سياحي لكل الدول العربية لتشجيع السياحة، خاصة أننا نفتقد السياحة العربية، بالرغم من إنها كنز مدفون ناس كتير متعرفش عنه حاجة أو تعرف قيمته”.

وعن سبب تسميته الجروب، أوضح أن فكرته مستمده من خبرة شخص بيسافر لوحده سواء خارج أو داخل مصر، لافتا إلى أنه يعد خطة جاهزة وبيديك نصايح أو بيقولك تخلص ورقك ازاي لوحدك عشان تستمتع بوقتك وتوفر فلوسك.

وأضاف: شجعني أصحابي علي انشاء الجروب، كنت بعرض زمان صور وأماكن ناس كثيرة متعرفهاش أو تفتكر إنها غالية، فلما كنت بكتب تفاصيل عنها كنت بشجع الناس إنها تجرب فنصحوني أعمل جروب عشان أفيد أكبر عدد ممكن من تجربتي.

وتابع: محدش عارضني على الفكرة عشان كان ساعتها الفكره مش منتشرة على السوشيال ميديا، وكانت فكرة جديدة في الوقت ده، بالنسبه للمصريين والعرب، وكان الأغلب ناس بتعرض تجاربها الشخصية من خلال بوست أو فيديو، لكن أنا بعرض تجارب وصور مختلفه فبتجمع معلومات من كذا مصدر سافر لمكان ده.