مواقع السوشيال ميديا كثيرة، قد تؤدي بالنفع على الكثير من الأشخاص وتترك أثراً مهما في حياتهم، وقد تؤثر بالسلب.
أقرأ المزيد..صاحبة جروب female لـ الحكاية: أحرص على ضم البنات التي يحبهم الجميع لراحة الأعضاء
عمر إسماعيل خريج كلية الهندسة في حديث مع الحكاية متحدثاً عن فكرة جروبه ” Trendat couple” قائلاً: “أنا موجود على موقع التواصل الاجتماعي فيسبوك بقالي سنين طويلة، قابلني سلبياته ومميزاته ودلوقتي السوشيال ميديا بقت جزء من حياتنا وليها تأثير كبير على الأشخاص سواء كان ذلك إيجابيا أو سلبياً.
وأضاف: “جانبي الفكرة لما لقيت انتشار تعرف الولاد على البنات بطريقة حرام تخالف الدين و الشرع ، فكرت إني انشر الفكرة كنوع من أنواع التوعية إنهم يبتعدوا عن فكرة الارتباط والارتباط بطريقة رسمية صحيحة وننشر الفكرة دي بينا وبين بعض ونتلافى كثير من الأخطاء اللي ممكن تحصل بعدين“.
وأكمل: “الفكرة هادفه لحاجات كتير وأن فيه شاب بيحب البنت دي بس عمرهم متكلموا فيه شخص يبقي عايز يتقدم لواحده بس خايف يتحرج أو تكون في حياتها حد تاني أو يتقدم وأهلها يغصبوها عليه أو ممكن تبقي معاه ف شغل ف كلية ف البلد جيران في اي مكان فأي محافظة وعجباك جدا حتي لو شوفتها صدفه ف الجروب وعايز تتقدملها“.
و استطرد: “انا معايا تيم هبعتهم للبنت وهنساعدك لو انت نيتك حلال فبجبلك موافقتها تروح وانت متطمن وتتقدم احسن متروح وتتحرج أوتكون مش مقبول لها لو موافقة هتديك موافقة مبدئية ولما تاخد رقم اهلها وتكلم حد من اهلها هيسالوا عنك براحتهم هيا واهلها ولو كلحاجه تمام هيجيلك مكالمة بمعاد وتروح تتقدم “.مفيش موافقة ده نصيب ف الاول وف الاخر
وأوضح عمر: “احنا هنا بنساعد يكون زي وسيط انا مبخطبش لحد ولا الكلام ده انا بساعد شاب أنه يقرب لبنت بيحبها بس في الحلال طبعالو شاب هيتقدم لبنت بعرفها متردش عليه غير والدبلة في ايدها ونقدر نقلل من الارتباط الحرام اللي فيه لعب وتسلية ده ونوفق راسين فالحلال“.
واكمل قائلًا:”بـ الاضافة لفكرة الجروب ان البنات اللي بييجي عليها خطوبتها أو فرحها وظروف خطيبها وحشه بس نفسها تفرح زي اي بنت وتكون محتاجه ميكب ارتيست وفستان حلو طبعا لو ظروفهم وحشه وغير مقتدرين، انا معايا صحاب اتليهات كتير اوي بيكلموني وبيعملوا تخفيض في كل حاجه او فيه بيعملوا ده لله وبحجز للبنت الميكب ارتيست والفستان ونكون سبب في فرحتها“.
وقال عمر للحكاية: “بحاول ارجع مخطوبين لبعض احاول ارجع منفصلين لبعض انصح البنات يبعدوا عن الارتباط وعن اي حاجه ربنامحرمها وعُمر ربنا ما هيبارك فيها حد دخلي بيحكيلي ع تجربة اقف جنبه انصحه بالصح والحمدلله نجحت في أن بعدت بنات وشباب كتيرعن الارتباط الحرام“.
وفي النهاية قام عمر بالتوضيح بـ ان عدد الخطوبات التي تمت من خلال الجروب 111 خطوبه ، وانا لا عايز شهرة ولا دعم ولا عايز اي حاجهمن حد انا بعمل كل ده لوجه الله حاجه تنفعني ف دنيتي وإخرتي“.
موضوعات ذات صلة:
صاحب جروب “حاجات بدفع اشتراك النت علشانها”: هدفنا ترفيهي لتغيير الحالة النفسية للأعضاء
صاحب فكرة جروب كوكسال بابا: هدفنا تسليط الضوء على قصة حياة البلوجرز
صاحب جروب “mood”: احنا مجتمع صغير وهدفنا تغيير المزاج للأفضل
