كشف المنتج الكبير عصام إمام، شقيق الزعيم عادل إمام، عن تطورات الحالة الصحية للفنان الكبير عادل إمام، قائلا:” الواحد مل من الشائعات وتعودنا عليها.. كل شوية شائعة شكل ومش عارفين نعمل إيه؟”.
وأضاف “إمام”، خلال مداخلة هاتفية له ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، أنه كان برفقته اليوم وكانا يتحدثان ويمزحان، وتابع:” كنا قاعدين بنتكلم النهاردة وبنهرج وبيقلي ياعصام ده موتوني قبل كده خمس أو ست مرات هيقولوا إيه تاني؟”.
وعن سماع الزعيم عادل إمام بأنباء إصابته بالزهايمر قال “عصام”، أن الفنان عادل إمام لم يكن متابعا السوشيال ميديا، وتابع:” الزعيم مش متابع هو سوشيال ميديا كتير لكن سألني إنت ليه بتطلع ترد وتتكلم عني؟ قلنتله لما يقولوا عندك زهايمر لازم اطلع وارد قلي هترد على إيه ؟ إذا كان موتوني قبل كده خمس أو ست مرات”.
وعن سبب عدم خروجه لطمأنة الناس، قال:” مش من طباعه الظهور هو قليل الظهور في البرامج والمداخلات وهو عنده مبدأ طول حياته أن أعماله الي تتكلم”، مؤكدا أن العائلة كانت تنزعج في الماضي من مثل هذه الشائعات لكن الان بات الامر عادياً.
وتابع:” عادل إمام لو دخل مستشفى مش بس مصر الي هتعرف العالم كله هيعرف والمرض مافيهوش تخبية عشان نخاف منها”.
