حلت الفنانة ميار الببلاوي، ضيفة على برنامج” العرافة “، مع الإعلامية بسمة وهبة، وتحدثت عن أزمتها مع المخرجة إيناس الدغيدي،قائلة:” دعيت عليها بالحرم المكي”.
أزمة ميار الببلاوي مع ايناس الدغيدي بسبب فيلم”ديسكو ديسكو”
وكشفت ميار الببلاوي، عن عدم ارادتها في عرض مشاهدها مرتدية المايوه في فيلم”ديسكو ديسكو”، مؤكدة على دعائها على المخرجة إيناس الدغيدي في الحرم المكي.
وقالت:” دعيت على إيناس الدغيدي في الحرم بسبب فيلم ديكسو، أنا مكنتش عايزة أعمل المشاهد دي كلها في فيلم ديسكو، وأنا مكنتش عايزه ألبس مايوه”.
وتابعت:” أنا اتحجبت ومكنتش عايزة حاجة زي كده تتعرض، وأنا متربية في بيت متدين وكنا بنصور في رمضان وكنت صايمة”.
وأضافت:” جيت أصور المشهد الجريء ده قولتلهم نصور بعد الفطار، قالولي لأ، وكنا بنصور في رمضان وأنا الوحيدة اللي صايمة في الشباب، لأن مكنش ينفع يصوموا كل المشاهد بيشربوا، ودي كانت رؤية الإخراج”.
واختتمت:” دخلت الحمام وقفلت عليا وعمالة أعيط وأستاذة إيناس اتعصبت وقالتلي انتي هتقعدينا ساعتين لغاية الفطار وهي اقنعتني، وقالتلي رمضان إحنا مبناكلش فيه والموضوع مش مستاهل كل اللي عملتيه ده، وعملت المشهد بعد الفطار”.
فيلم ديسكو ديسكو
وكانت ميار الببلاوي قدمت فيلم ديسكو ديسكو، عام 1993، والعمل كان من بطولة الفنانة نجلاء فتحي، الفنان محمود حميدة، الفنان صلاح ذو الفقار، الفنان شريف منير، الفنان عبد الله محمود، الفنان عمرو عبد الجليل، والعمل من الإخراج إيناس الدغيدي.
وفي وقت سابق،تراجعت الفنانة ميار الببلاوي عن تصريحاتها الأخيرة، التي أشارت فيها لبراءة الفنانة وفاء مكي، في قضية تعذيب الخادمتين، حيث أكدت ميار أن وفاء مكي كاذبة، وأنها من عذبت الخادمتين، متعجبة من دفاع الأخيرة عن نفسها حول براءتها.
وكتبت ميار الببلاوي منشورًا، عبر حسابها الشخصي بموقع التواصل الاجتماعي فيس بوك، قالت فيه: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا تريند، وأفضل ألف معاكم على القنوات والمواقع بالشكل المستفز دا.
تابعونا على صفحات موقع الحكاية الرسمية
Elhekayah TV – تليفزيون الحكاية
