حلت الفنانة ميار الببلاوي، ضيفة على برنامج” العرافة”، مع الإعلامية بسمة وهبة، وكشفت خلال اللقاء عن تفاصيل قضية تعذيب الخادمتين التي تورطت بها الفنانة وفاء مكي، مشيرة إلى أن وفاء ليست بريئة.
ميار الببلاوي عن تورط وفاء مكي في قضية تعذيب الخادمة
وتحدثت ميار الببلاوي خلال اللقاء، عن تورط زميلتها الفنانة وفاء مكي في قضية تعذيب الخادمتين، قائلة:” أنا مكتمتش حاجة خالص ووقتها مكنتش كبيرة كفاية، وفيه فرق لأني مكنتش فاهمة ومكنتش ملك نفسي ولا كنت في مصر ومكنتش عارفة أوصل لها”
وأضافت:”واللي حصل إن أنا كنت بسرد موقف لشخص وكان عندي اعتقاد إن وفاء بريئة، وهي مش بريئة ولا ليها أي علاقة بالبراءة”.
وتابعت:”وأنا معيطتش مع هند عاكف خالص، ووفاء مكي طلعت وبتستغيث أنها مش لاقية تأكل ابنها وأنا دي زميلتي وقولت خلاص كفاية سيبوها في حالها”.
ميار الببلاوي تسرد تفاصيل الواقعة
سردت ميار الببلاوي تفاصيل الواقعة خلال اللقاء، مؤكدة على عدم براءة وفاء مكي من تعذيب الخادمة،وقالت:” واحدة جاتلي وجابتلي شغالات وأنا كنت طلباهم وكنت مستعجلة ورايحة فرح بنت خالتي، وأنا كنت محتاجاهم جدًا وقولت هاخدهم ولكن مطلعوش عندي وكل ده في مدخل العمارة”
وأكملت:” وبشوف البنات لقيت واحدة فيهم نعسانة والتانية متضايقة، قولتلها أنتي جايباهم غصب عنهم ولا إيه؟ وقالتلي الاتنين بيشتغلوا مع بعض، والبنت كانت عايزة توريني إن شعرها محلوق، وقالتلي إن الأستاذة وفاء مكي قالت إن البنت عندها قُراع وحلقت لها شعرها”.
واسترسلت:” قولتلها عندها قُراع وجايباها لـ ابني؟ روحي أنا مش عايزاهم، هو ده اللي حصل، إيه بقى براءة وفاء في حاجة زي كده؟”.
ميار الببلاوي: الطب الشرعي أثبت اتهام وفاء مكي
وذكرت خلال حديثها نتيجة الطب الشرعي عن عدم صحة ما اخبرتها به وفاء مكي بأن الفتاة تعاني من مرض الجلدي،وأثبت الطب الشرعي تعذيب وفاء مكي للخادمة الخاصة بها، مشيرة:” الطب الشرعي قال إن البنت مفيش عندها أي مرض جلدي يعني التعذيب وقع شعرها واتحلق لها واتحرقت في شعرها”.
وقالت:” وده اللي أقره الطب الشرعي، وبعدين أنا محدش طلب شهادتي، ووفاء ساعتها كانت بتصور مع فنانين كبار في مسلسل وكلهم شهدوا ومحدش خد بكلامهم لأن الطب الشرعي كان واضح”.
ونوهت ميار الببلاوي، خلال حديثها عن زوجها وأنه كان يرسل لها رسائل تهديد حتى لا تذهب وتدلي بشهادتها ضد وفاء مكي خوفًا عليها، وعندما عادوا من السفر اعترف لها، مؤكدة:”رسالة التهديد دي لعبة عملها جوزي علشان مش عايزني أفتح علينا فتوحات، وبعد ما رجعنا من سوريا قالي بطلي هبل وأنا اللي كنت بهددك”.
واختتمت:” أنا كلمت فارس حماد وقالولي كلامك لا هيقدم ولا هيأخر، وأنا راضية ضميري والست دي مش بريئة ولا ليها علاقة بالبراءة”.
تابعونا على صفحات موقع الحكاية الرسمية
Elhekayah TV – تليفزيون الحكاية
