ميرفت أمين للمتنمرين على صورتها بعزاء على عبد الخالق: هروح العزا بميكب

علقت الفنانة ميرفت أمين، على حملة الانتقادات والتنمر التي تعرضت عبر السوشيال ميديا بشأن مظهرها في عزاء المخرج الراحل علي عبدالخالق، قائلة:” بيتكلموا في العزا وإن شكلها مهمومة هل أنا مطالبة أروح العزا بميكاب”.

وأضافت “أمين”، خلال مداخلة هاتفية لها ببرنامج “مساء دي إم سي”، والمذاع عبر قناة دي إم سي”، ويقدمه الإعلامي رامي رضوان، أنها تعرضت خلال الفترة الماضية لعدد كبير من الشائعات أولها زواجها وتعرضها لأزمة صحية ثم وفاتها.

وتابعت:” الموت والزواج مش بيستخبوا، وأنا ليه صايبني على السوشيال ميديا طول الوقت، الناس على السوشيال ميديا مش بيقدروا إن فيه ناس ممكن تكون بعيدة عني، أو بنتي في مكان مش قادرة توصلي، انا اتعودت على دا من فترة ولكن اللي حواليا بتضايق عشان بيتأثروا مش عارفة ليه الأذية للناس اللي حواليا”.

وأكدت، أنها تستعد خلال الفترة المقبلة للموافقة على عمل درامي جديد، مضيفة: معروض عليا عملين والاتنين جيدين هختار واحد منهم قريب.