ميرهان حسين تتراجع عن قرار اعتزالها

تراجعت الفنانة ميرهان حسين عن قرار اعتزالها، وخرج للجمهور لتوضح حقيقة اعتزالها التمثيل.

وجاء ذلك بعد أن أعلنت خلال الفترة الماضية نبأ اعتزالها، وأوضحت ان سبب اعتزالها الشلالية في الوسط الفني وعدم شعورها بالتقدير.

اقرأ أيضا.. ميرهان حسين ودينا فؤاد وحسن الرداد ومنال سلامة.. أبرز الحضور بـ عزاء والد إيناس كامل

ونشرت  مقطع فيديو عبر خاصية ستوري لحسابها على انستجرام، قائلة: أولا وحشتوني جدًا، وآسفة أني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت شكرا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي.

وأضافت حسين: وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده.

اعتزال ميرهان حسين

وأردفت ميرهان : كنت مش في احسن حالاتي وبوقفكم جمبي ودعمكم ليا رجعت احسن وإن شاء الله الأيام اللي جاية يارب تكون الأحلى وأحسن في حياتي.

واختتمت حديثها: وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا.

ولدت الفنانة ميرهان حسين يوم 28 أكتوبر 1982.

تخرجت في كلية السياحة والفنادق، قسم إرشاد سياحي، من جامعة حلوان

بدأت مشوارها الفني عن طريق مشاركتها في الموسم السادس من برنامج اكتشاف المواهب ستار أكاديمي

شاركت في أول أعمالها الفنية عبر فيلم ‘عمرو وسلمى 2’ عام 2009.

وفي الدراما شاركت في أول أعمالها مسلسل ماما في القسم مع الفنانة سميرة أحمد، وتوالت بعد ذلك أعمالها.

من أهم أفلامها: ‘الهرم الرابع، فوبيا، دعدووش’.

من أهم مسلسلاتها:’آدم وجميلة، ابن حلال، الأب الروحي، قيد عائلي، ختم النمر، نقل عام’.

موضوعات ذات صلة

ميرهان حسين وكريم عفيفى ضيفا سهرانين مع أمير كرارة