قالت الفنانة مي سليم، إنها في الفترة الحالية تشهد زيادة في وزنها بسبب فصل الشتاء وزيادة تناول المأكولات، وتابعت: “عندى مشكلة فى الشتاء دائماً من كتر الأكل، فباكل بس فى الشتاء صحيح مش باكل بكميات كبيرة لكن باكل كل حاجة “.
ومازحتها لميس الحديدى، خلال برنامجها “كلمة أخيرة”، قائلة:”بلاش تكلمينى عن التخن أنا زدت فى أسبوعين فقط أثناء الإصابة بكورونا تقريباً 2.5 كجم وده شيء رهيب فى حد ذاته”، لترد سليم قائلة: “الحمد لله كفاية إنك رجعتى بالسلامة”.
وعن رأيها فى فكرة SINGLE MOTHER قالت “سليم“، “فكرة مش سهلة إنى أكون أم وكل حاجة ولكن ما يخفف عنى ذلك وجود أمى وشقيقتى ميس بيساعدونى مع بنتى لما بكون عندى شغل كتير صحيح ميس فى ساعات مش بتمشى بالتعليمات اللى بقولها عليها زى نيميها بدرى بس بترجع تقلى معلش صعبت عليا وحتى ماما برضه بتبقى ضعيفة مع ” لى لى ” لكن الشخصية الى بتعرض تتعامل معاها هى أختى دانا”.
وعن أهم ما اكتسبته ابنتها من شخصيتها قالت: “أخدت منى الشقاوة وأنا كنت شقية جداً وأنا صغيرة ومش بتحب المذاكرة زى ماكنت انا صغيرة وطالعة رغاية زيى، بس موضوع الاونلاين ده تابعنى فى المذاكرة معاها وهى حنينة وطيبة جداً”.
وعن طقوس يومها أضافت مى سليم: ” لو معنديش شغل فطول الوقت بعد مع بنتى لى لي، وعمرها الآن عشر سنوات “.
