قالت الفنانة مي عمر، إن العلاقة كانت جيدة جدا مع كل المشاركين في العمل، والمسلسل أساسا لايت الهدف منه أن الناس تستمتع وتتبسط فلما نأفور شوية ده مقبول لأنه مش تراجيدى ، ومحمد صلاح العزب كاتب ورق كويس جدا وهو كاتب دمه خفيف، ولسه هنشوف هيبقى في أجزاء تانية ولا لأ ، وبعرف نجاح المسلسل من الشارع، وفى كثير من النقاد بحب اسمع رأيهم ، واتبسطت جدا من المسلسل ومافيش أي حاجة ضايقتنى، وانا استفدت جدا من نسل الأغراب، ومالحقتش اتفرج على مسلسلات في رمضان لأننا خلصنا 28 رمضان وكنت بتفرج على مسلسل يسرا وشفت بطلوع الروح.
وأضافت “عمر”، خلال لقائها ببرنامج الحماية، والمذاع عبر قناة “ام بي سي مصر”، ويقدمه الإعلامي عمرو أديب، أن اغرب شيء حصل أثناء التصوير كان في تانى يوم كنا بنصور في المقابر ولقيت المخرجة بتقول حضرتوا العرس وقالتلى على جنب عاوزة الخضة تبقى حقيقية ولسة بنعمل بروفة عينى جت في عين العرسة وانا ما كنتش اعرف شكلها أصلا نطيت من مكانى وقعدت اصرخ والمخرجة تقولى ياريتنى صورت وفى المهد الأول المفروض روبى هي اللى طالعة جامدة مش بتحاف أول ما العرسة جريت قعدت تصوت وتحضن فيا وعدنا المشهد ده كتير جدا.
