كشفت الفنانة نرمين الفقي أنها لم تقلق أبدأ من تاخرها في الزواج حتى الآن مشيرة إلى أن والدتها كانت تتمنى رؤية أولادها لكنها في ذات الوقت كانت حريصة على فكرة الانتقاء، وتابعت : ” قد ماما ماكنت عاوزة تشوف ولادي لكن في ذات الوقت كان عندها مشكلة بسبب تجربتها مع الانفصال.. فاكنت طول الوقت تفصص العريس من باب خوفها عليا زيادة عن اللزوم .. أمي دائماً كانت بتنصحني في إختياري للاعمال وتقلي بصي على العمل الكويس وماتبصيش للمادة وأنا لو كنت حاطة الفلوس في دماغي كنت زماني إتجوزت مليارديرات “.
وأضافت”نرمين الفقى“، خلال حوارها ببرنامج ” كلمة أخيرة ” الذي تقدمه الاعلامية لميس الحديدي عبر قناة ” ON”:” كان ممكن أعمل كده بس أنا عاوزة أفضل إمرأة زوجة طبيعية صحيح الفلوس مهمة في حياتنا ومش هقول عاوز أتجوز راجل في نفس مستوايا ممكن يكون أققل لكن يكون عنده مميزات تخليني كإمرأة موافقة وكعيلة راضية عليه ..وخوف الام كان زيادة ورغم ذلك كان نفسها تشوفني مرتبطة وعندي حياة لكن في نفس الوقت كانت بتخاف عليا جداً “.
وحول سؤال الحديدي حول عنصر المال وأهميته في إختيار الزوج قالت : الفلوس مهمة في حتة معينة في حياتنا إحنا بنشتغل عشان نصرف على نفسنا ونجيب لبس كويس وتغير عربياتنا .. رغم أني لاأقدم على تغيير سيارتي إلا كل 11 أو 12 عام ولكن الحمد لله غيرتها السنة دي بعد ماربنا كرمني وإشتغلت .. أنا عندي صبر ”
أتمت :
وسردت نرمين الفقى، المواصفات التى ترغب فى أن تكون فى شريك حياتها : لازم يكون نفس المستوى الثقافي والاسري وماكينش ” صليط اللسان ” أو يكون قليل الادب يكون حنين وطيب ورجل بمعنى الكلمة لازم يكون راجل ..وبخلاف هذه المعايير لايمكن أن افكر في الارتباط ومش عاوزاه .. ومش خايفة من الزمن ولا الوحدة لان ممكن الاختيار الغلط هو الي يتعبني ويأذيني ويكبرني في السن لان الحب رزق “.
