قالت الفنانة شيرين عبد الوهاب،:” أنا نفسي حسام حبيب يتجوز ويغور بعيد عني”، وتابعت:” وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه، ولو كنت قلت كلام وحش وقتها مكنش هيعرف يتجوز وأنا نفسي يتجوز ويغور ويبعد عني.. هو ضيع لي حياتي وعيلتي وأصحابي”.
وأضافت شيرين عبد الوهاب، خلال مداخله هاتفية لها ببرنامج “كلمة أخيرة”، قائلة:” أنا عاوزة أستغفر ربنا على الكذب الي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مايحبهاش هي الكذب وأنا محبوش”.
وتابعت:” أنا كنت بحبه وفاكراه ابني مش بس زوجي.. اهتمت بيه وعملت استوديو علشان شغلنا يتعمل فيه.. اشتريت له كل الأغاني اللي عجبته بشيكات باسمي علشان أضمن له الأغاني دي متروحش منه”.
