هاجمت الفنانة المغربية بسمة بوسيل مديرة أعمال طليقها الفنان تامر حسني هالة عمر ليلة زفافها الذي أقيم منذ ساعات.
ونشرت بسمة بوسيل، عبر خاصية القصص المصورة على “انستجرام”، صورة تامر حسني مع مديرة أعماله في زفافها وعلقت “حسبي الله ونعم الوكيل فيكي يا هالة”.
اقرأ أيضا.. بينهم تامر حسني وأحمد سعد.. تعرف على نجوم حفل ولي العهد الأردني
وفي ستوري أخرى أوضحت بسمة بوسيل “احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك”.
من هي هالة عمر مديرة أعمال تامر حسني؟
– اسمها هالة عمر كانت إحدى المدافعين عن تامر حسني في بداياته حتى أنها من شدة دفاعها عنه لفتت نظره وشكرها
– قابلها تامر حسني مرة أخرى في الإسكندرية وهي تبكي وكان عمرها وقتئذ 14 عاما وطالبته بإكمال مسيرته، إذ كان يتم محاربته وقتها.
– اختارها تامر حسني لتعمل معه وتتولى مسئولية السوشيال ميديا وهي في سن صغيرة
– اعتبرها تامر حسني مثل ابنته حيث توفي والدها
– زوجها يدعى “عمرو” وطلب يدها من الفنان تامر حسني
– حضر تامر حسني فرحها وغنى لها متمنيا لها حياة زوجية سعيدة
تامر حسني يدافع عن مديرة أعمالة هالة عمر
جاء ذلك بعد أن نشر تامر حسني فيديو عبر “انستجرام” من زفاف مديرة أعماله وكتب: “لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
وتابع تامر حسني: “لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
وأضاف تامر حسني: “وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
واستكمل تامر: “فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله”.
واختتم تامر حسني: “ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
موضوعات ذات صلة
تامر حسني يحتفل مع بسمة بوسيل بعيد ميلاد ابنتهما (صور)
