أكد الفنان هاني شاكر، أنه سيقدم عددا من الاغاني الجديدة خلال الفترة المقبلة، مشيرا إلى أنه يركز في حياته وعمله بعد تركه للعمل الإداري بتقديم استقالته من منصب نقيب المهن الموسيقية.
وأضاف “شاكر”، خلال مداخلة هاتفية له ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، أنه ليس حريصا على المشاركة في انتخابات نقابة المهن الموسيقية، فهو لم يشارك في الانتخابات سوى مرة واحدة، ولكنه لم يقرر إذا كان سيشارك في انتخابات النقابة المقبلة أم لا.
وأشار، إلى أنه كان يعلم بوجود فساد داخل نقابة المهن الموسيقية”، مؤكدا أن الفساد موجود من سنين طويلة مش الوقت اللي مسكت في النقابة بس وأنت عارف كده، وفي وقتك كان في فساد، وقبلك كان في فساد، الفساد موجود في كل حتة لكن مين اللي يقدر يتعامل معاه ويحقق إنجازات؟.
وتابع:”أنا بتمنى لأي حد هيقعد على الكرسي أنه يتحاسب بالورقة والقلم زي ما أنا اتحاسبت بالورقة والقلم، والأرقام لا تكذب ولا تتجمل، بس أنا دخلت النقابة كان في قد إيه في البنك؟ المعاشات والعلاج وسبتها والأرقام دي كانت قد إيه؟”.
ونصح “شاكر”، الفنان مصطفى كامل، قائلا:” بطل تتكلم عن الفساد كتير لأن الفساد موجود رضينا أو لم نرضى، لأن النقابة كبيرة وفروعها كتير، أنت لو مشيت ورا واحد كل يوم وحب أنه يعمل حاجة غلط هيعملها، مفيش حد هيمنع الفساد وياريت تركز على اللي هتعمله للنقابة، ما أنت الفترة اللي فاتت قلت أنا جاي عشان الفساد، إحنا عايزين نقيب موسيقيين مش وكيل نيابة ولا مأمور ضرايب.. النقيب مش جاي عشان الفساد بس’.
