قالت الفنانة هنادي مهنا، إن ضغط المجتمع عبر السوشيال ميديا وبالأخص الانستجرام لوضع معايير ضاغطة على الفتيات من ناحية الشكل أمر سيء للغاية، وتابعت:” إنستجرام بالذات 99% كل الصور الي فيه مش حقيقية كله فوتوشوب وفلتر ورغم ذلك انا بالنسبة لي مش مهم الشكل ولا الرشاقة ولا غيره أهم شيء يبقى الانسان مبسوط من جواه وهوا بيبص لنفسه في المراية مش مهم رأي حد تاني المهم نكون مرتاحين وكمان في عناصر أخرى ممكن تخلينا مبسوطين وإحنا بنبص في المراية زي الشغل الكويس وعلاقات الاصدقاء أو حد أتجوز فيه حاجات كتيرة بتسبب الفرحة لكن الاهم الانسان يبقى مبسوط من جواه ومايهموش الناس بتقول إيه”.
وأضافت “مهنا”، خلال لقائها ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، أنها تأثرت كثيرة في الفترات السابقة بأراء الناس، وتابعت:” في ناس مثلاً كانت بتقلي شكلك أحلى وانتي تخينه معنديش مشكلة ومحترمه رايهم بس مش هرجع تخينه عشانهم طالما مبسوطة بننفسي وأنا كده.. في الاول كنت بـتأثر بكلام الناس في الاول وأنا مليانه كانوا بيقلولي شبهك زي الجاموسة وكنت بضايق وأنا بقرأ الكومنتات وأقعد أعيط لكن إكتستفت أن الانسان ممكن يضايق لما يكون ثقته في نفسه مهزوزة ودي فترة عديت بيها وكأنت أي كلمة بتخبط”.
وتابعت:” لما الانسان بيكون مبسوط ومرتاح من جواه خلاص بتبقى حياته طاقة غيجابية ومهما كتبوا مافيش باب لتسلل الطاقة السلبية”
وحول كيفية نجاحها في إستعادة ثقتها بنفسها قالت:” أما حبيت نفسي في المرايا فرحت وخسيت مكنتش بحب ألبس حاجة حلوة عشان الهدوم مش بتيجي مقاسي كنت بنزل مش مهتمة بنفسي لكن ثقتي رجعت وبقيت مرتاحه لماببص لنفسي في المرايا”.
ونصحت الفتيات قائلة:” نصيحتي للبنات يعملوا الي هما عاوزينه ومبسوطين بيه وأن لما يبصوا في المراية يكونوا مبسوطين ومرتاحين وطول مالثقة في نفسك قوية مافيش كلام هيأثر فيكي”.
