هنا الزاهد تشكر تامر حسني على فيلم “بحبك” والفنان يعلق: هتبقى من أخطر ممثلات تاريخ السينما العربية
شكرت الفنانة هنا الزاهد الفنان تامر حسني وعبرت عن سعادتها بمشاركتها في فيلم بحبك، المقرر طرحه خلال الفترة المقبلة بالتزامن مع موسم عيد الأضحى المقبل.
ونشرت هنا الزاهد مقطع فيديو جمعها بتامر حسني من كواليس مونتاج فيلم بحبك، عبر حسابها على انستجرام، قائلةً: بحبك وبجد مش عشان أنا فيه بقول كدا تامر ألف قصة عبقرية وأخرجها كأنه مخرج عالمي وطلع مننا كلنا أداء مش عادي بجد شكرًا يا تامر.
وعلق تامر حسني عليها قائلا: إيه بس الحلاوة والذوق دا كله يا هنا.. أولًا شكرًا عشان انتي قلبك جميل ونضيف وعندك تقدير لكل الناس ودي تربية جميلة من الأساس بعيد عن الفن.. ثانيًا.. انتي عاملة دور عمرك وأنا فرحان إني خرجت منك الممثلة اللي الناس هتشوفها دي.. كلنا فرحانين بيكي وأنا بقول شهادة لتاريخك من دلوقت هنا الزاهد في فيلم بحبك لو استمرت كدا هتبقى من أخطر ممثلات تاريخ السينما العربية.. ربنا يحفظك ويوفقك في كل أعمالك.
