كشف والد عروس الإسماعيلية، عن سبب ضرب زوجها لها في ليلة الزفاف، قائلا:” بنتى اتضربت في الشارع يوم الفرح عشان تأخرت ربع ساعة في الكوافير”، وتابع:” جوزها طلع عند الكوافيرة وضربها بالتليفون في ظهرها وسحلها على السلم وهي نازلة من عند الكوافير”.
وأضاف والد مها، عروس الإسماعيلية، خلال تصريحات تليفزيونية له بقناة صدى البلد، قائلا:” أنا كنت عارف إن بنتى عند الكوافير وانا مكنتش معاها وجم قالولي بنتى راحت القسم عشان عريسها ضربها والصحافة اتدخلت وخدوها وراحت القسم”.
وأكد، ” ركبنا العربيات وجينا على البيت وانا طلعت البيت والناس يتحايلوا عليا عشان أكمل الفرح ولكن انا صممت على الطلاق وبنتى كانت كاتبة كتابها قبل الفرح بـ 20 يوم”، وتابع:” ولاد عمي حاصروني و اضطريت اكمل زواج بنتي”.
