قالت الفنانة ياسمين صبري، إن الفنان محمود عبد العزيز في مسلسل جبل الحلال كان بيعاملنى أكنى بنته وبينصحنى وبيكلمنى، وقالى خلى بالك من الدايرة اللى حواليكى هما دول اللى بيوقعوا، وبحمد ربنا أن ربنا حط ناس كويسة في حياتى من بدرى، وغير انى بسمع للى حواليا أنا عندى عينين وبدور وأقول لنفسى أقدر أعمل إيه أحسن من كده”.
وأضافت ياسمين صبري، خلال لقائها ببرنامج “صاحبة السعادة”، والمذاع عبر قناة دي ام سي، وتقدمه الفنانة إسعاد يونس، قائلة:” فى ناس بتحب تبقى شاغلة الناس، ولكن انا شخصية عندى اكتفاء من جوايا وإن مش بدور أنى أشغل الناس وهى حاجة من عند ربنا”.
وتابعت:” أنا بعرف أضحك على نفسى، يعنى مثلا لما بتفرج على حاجة لنفسى، وجه مشهد مش عاجبنى بقول يا نهار أسود وأحيانا بقلب القناة، ومش بكون متأزمة، وزى ما انا كده برده لما بشوف مشهد عملته حلو بشكر في نفسى زى مشاهد كتير في مسلسل طريقى عملتها حلو”.
