عبرت الفنانة ياسمين صبري عن حبها الشديد للفنان محمد إمام، ووجهت رسالة للفنان عادل إمام وزوجته بعد تعاونها مع نجلهم وشقيقه المخرج رامي إمام في فيلم “أبو نسب”.
وخلال لقائها مع برنامج Et بالعربي، قالت ياسمين صبري “عايز أوجه تحية غير متوقعة لوالدة محمد ورامي إمام الأستاذة هالة يا زين ما ربت، والأستاذ عادل إمام يا زين ما اختار مقابلتش الزعيم ولا مرة.. لكن كلمته في التليفون مرة وبتمنى له طول العمر، وأنا في اللوكيشن معاهم بحس إني وسط عيلتي.. وهما جُمال ولطاف أوي، وخبرة ودمهم خفيف جدًا.
ياسمين صبري
علقت الفنانة ياسمين صبري على الاتهامات التي تتعرض لها بشكل دائم والتوجه لها أنه تقوم بتقليد جورجينا رودريجز صديقة لاعب كرة القدم البرتغالي كريستيانو رونالدو
وخلال لقائها مع et بالعربي قالت : “في 2015 كنت ابتديت اتشهر كانوا بيقولوا أني بقلد كيم كاردشيان لأن كيم هي اللي في الصورة دلوقتي هما نقلوا هي بتقلد جورجينا، أنا نفس الست غيروا هما أنا بقلد مين لكن مش مشكلة اللي يقول يقول المشكلة مش من عندي المشكلة في اللي بيعلق وينتقد وعلى الأقل مبينتقدش حاجة تهني ولما ميبقاش في حاجة تتقال هو دا اللي بيتقال”.
وأضافت معبرة عن ضيقها من الاهتمام وإجراء المقارنات مع الأجانب وكأنهم الأفضل في كل شيء قائلة: “يؤسفني أن إحنا كبلاد عربية أحيانا الشيء الأجنبي قيمته أعلى ومش بنشوف قيمة نفسنا صح ومش بتكلم عن نفسي، أنا مستحيل اعتبر نفسي قدوة ولا أقدر أقر بده كل اللي أقدر أقدمه أني أكون نموذج كويس للبنت المصرية وأمثل بلدي بشكل مشرف في الحاجات العالمية اللي بعملها، وأقدم فن لما أكبر مندمش أني عملته بالعكس أكون مبسوطة بيه لكن أني نموذج لا.
وتطرقت ياسمين صبرى في لقائها للحديث عن حبها للسفر وزيارة الجزر قائلة: “أنا شخص بحب الجزر، أنا فتاة الجزر بحب البحر وبحب المحيط الهندي لأنه بحره رائع لو أقدر ألف كل جزر العالم كنت لفيت في حتت الناحية التانية بقعد أقول هروحها إزاي زي بورا بورا وهاواي وجزر الكاريبي الدنيا فيها حاجات جميلة وربنا جميل
موضوعات ذات صلة
