أشادت الإعلامية ياسمين عز، بالمحامين، مخاطبة زوجاتهم، قائلة:” انتي متجوزة راجل فريد هيبة ومالي مركزه وذوقه عالي في اختيار بدلته يبقى هيكون ذوقه عالي في اختيار زوجته، مش بينسى أي حاجة وذاكرته قوية ولو طلبتي منه طلب مش بينساه وباله مش هيرتاح إلا أما يعمله”.
وأضافت “عز”، خلال تقديمها لبرنامج “كلام الناس”، والمذاع عبر قناة ام بي سي مصر، قائلة:” إنه رجل معتمد عليه ومتحمل المسؤولية ومحدش يقدر يضحك عليكي في وجوده ولو وقعتي في أي مشكلة هيخرجك منها زي الشعرة من العجينة ومحدش يقدر يظلمك ولا يجي عليكي”.
وتابعت:” الزوج أما يكون محامي بيكون مكس مختلف قوي بس حنين، مغامر وجريء بس بيخاف ربنا وعادل بيعرف يوفق بين بيته وشغله، بيدخل معارك انتي متعرفيش عنها شيء وبيكسبها وبيجي البيت مبتسم وعمره ما يكون بخيل وفي أوقات كتير بيصرف على القضية من فلوسه الشخصية مابالك انتي في البيت”.
