كشفت الإعلامية ياسمين عز، عن طريق التعامل مع أنواع الرجال، مشيرة إلى أن الرجل قد يكون بصري أو سمعي أو حسي.
وقالت ياسمين عز في برنامج كلام الناس عبر شاشة إم بي سي مصر: السمعي بيتأثر بالكلمة الحلوة والصوت الواطي ومش بيحب الزن، سمعيه أغنية أو كلام حلو وتلمي قرودك وولادك في البيت وتستخدمي سلطة جاهزة وبلاش خلاط، وبلاش سشوار وهو موجود وما تشغليش الغسالة وهو نايم وبلاش تشغلي المكنسة يوم الجمعة الصبح.
وأضافت ياسمين عز: الرجل البصري بيركز بالعينين، يعني ما تصحيش وشعرك الشمس المشرقة، بتلمي شعرك بتوكة على ورا وتلبسي بيجاما حلوة ومهندمة، وتغيري لبس الطبخ قبل ما يوصل ويكون بيتك متروق، وما تحاوليش تغيري ديكورات البيت من غير ما تستأذنيه، لأنه بيحب يشوف كل حاجة زي ما هيا، عشان التفاصيل الصغيرة بتزعجه ويحب يشوف الحاجة في مكانها.
وواصلت ياسمين عز: الرجل الحسي ده ألطف نوع، هتلاقيه دايمًا يقول لك أنا حاسس أنا قلبي مقبوض منك، وحاسس قلبي مش مطمن، فده هتحسسيه بمشاعر طول الوقت.
