ناشدت الإعلامية ياسمين عز، كافة الزوجات اللاتى يتابعن برنامجها، المشاركة في المسابقة التي أطلقها البرنامج “الزوج المثالى”، وتابعت:”قبل أي حاجة وكل حاجة بفكركم بالاشتراك في مسابقة كلام الناس لاختيار الزوج المثالي الخيالي، فكل ست شايفة إن جوزها زوج مثالي خيالي مفيش منه تبعتلنا على صفحة كلام الناس الموجودة قدامكم على الشاشة وتقولو طبعا اسمه المزايا الصفات كل المميزات الموجودة في جوزك وإللي تؤهله للفوز باللقب من وجهة نظرها”.
وأضافت “ياسمين عز”، خلال تقديمها برنامج “كلام الناس”، المذاع عبر قناة “mbcمصر”، :”لازم تقولي بما تفسر عالي لي قولي لي التفاصيل هو كذا عشان كذا ماشي ما شاء الله ما كنتش متخيلة يكون الإقبال على المسابقة بالشكل ده أبهر توني يا جماعة ..أمال إيه إللي بيحصل عمالة أقرا الرسايل ومش مصدقة الحقيقة إن إنت إللي بعتين الكلام ده؟ طب ما إنتوا حلوين أهو وكلكم شايفينه جوزك ويستاهلو اللقب والزوج المثالي والخيال إللي في خيالي وبعتلي الصفات مثاليا خيالية، أنا لو قلتها في ناس هتزعل يعني الصفات متتعدش و لا حصر لها”.
وأردفت “ياسمين عز”،:”أمال بتتقمص ليه لما بقول عليهم حاجة حلوة بتزعلهم ليه يعني دايما كده نحترمهم ونحبهم وشيلوهم فوق رأسكم بدل الباروكة..طيب عايزاكم تبهرونى أكتر وتبعتولي رسايل أكتر وإن شاء الله في آخر حلقة في الشهر ده إن شاء الله هنعلن عن اسم سعيد الحظ الزوج المثالي الخيالي وإللي هنستضيفه هنا في الكنبة دي هو والمدام بتاعته ..محضرين ليهم مفاجأة وهدية قيمة مادية هتكون مقدمة من كلام الناس. دعوة مننا للترابط الأسري.. ودعم للكلمة الطيبة ودعم لترابط الزوج والزوجة”.
