في حلقة برنامج “كلام الناس” على قناة “MBC مصر”، وجهت الإعلامية ياسمين عز حديثها إلى زوجات مشجعي نادي الزمالك، حيث أعربت عن تضامنها مع الفرعون الزمالكاوي، قائلة:”الفرعون الزمالكاوى الله يكون فى عونه، شايل فوق طاقته، ومحتاج معاملة خاصة”.
وأشارت “عز”، إلى أن الفرعون الزمالكاوي يشعر بأنه تم خيانته من قبل بعض أصدقائه وزملائه في الفريق، وأنه يحتاج إلى دعم وتشجيع من جماهير النادي وزوجاتهم، قائلة:”بغض النظر عن نتيجة الهزيمة أمام الأهلي الفرعون الزملكاوي عنده أزمة ثقة في أقرب الناس ليه من بداية الموسم”.
وتابعت:”الزمالكاوى اللى شاريه باعه وخانته ثقته في كل أحبابه، والاعيبه سابت النادى ومشيت بلاش تقفي له علي الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين ولو رفض تنزلي تقولي له حاضر”.
شاهد الفيديو..
https://www.facebook.com/watch/?v=757324343062822
وفي وقت سابق،
أثارت الإعلامية ياسمين عز الجدل، بعد تقديم فقرة في حلقتها عن الجيب الجينز للفتيات، مشيرة إلى أن الجيب الجينز عادت لتكون موضة من جديد، وذلك بعد تقديمها فقرة عن لفة الحجاب.
وقالت في حلقة اليوم من برنامجها كلام الناس عبر شاشة قناة MBC مصر: بعد النجاح الهائل ومنقطع النظير في مصر والشرق الأوسط لفقرة لفات الحجاب اللي لفتها على وشي الأبيض والجميل، وعدتكم إننا هنعمل فقرة عن الجيبة الجينز لأنها رجعت موضة تاني، ومن غير موديل كفاية أنا موديل.
وعرضت ياسمين أشكالًا مختلفة للجيب الجينز، وقدمت مسابقة لمتابعيها إذ أعلنت أنها ستعطي جيبة هدية لمن تجاوب عن أسئلتها خلال فقرة البرنامج.
ياسمين عز
كشفت الإعلامية ، عن طريق التعامل مع أنواع الرجال، مشيرة إلى أن الرجل قد يكون بصري أو سمعي أو حسي.
وقالت عز في برنامج كلام الناس عبر شاشة إم بي سي مصر: السمعي بيتأثر بالكلمة الحلوة والصوت الواطي ومش بيحب الزن، سمعيه أغنية أو كلام حلو وتلمي قرودك وولادك في البيت وتستخدمي سلطة جاهزة وبلاش خلاط، وبلاش سشوار وهو موجود وما تشغليش الغسالة وهو نايم وبلاش تشغلي المكنسة يوم الجمعة الصبح.
وأضافت ياسمين : الرجل البصري بيركز بالعينين، يعني ما تصحيش وشعرك الشمس المشرقة، بتلمي شعرك بتوكة على ورا وتلبسي بيجاما حلوة ومهندمة، وتغيري لبس الطبخ قبل ما يوصل ويكون بيتك متروق، وما تحاوليش تغيري ديكورات البيت من غير ما تستأذنيه، لأنه بيحب يشوف كل حاجة زي ما هيا، عشان التفاصيل الصغيرة بتزعجه ويحب يشوف الحاجة في مكانها.
وواصلت ياسمين : الرجل الحسي ده ألطف نوع، هتلاقيه دايمًا يقول لك أنا حاسس أنا قلبي مقبوض منك، وحاسس قلبي مش مطمن، فده هتحسسيه بمشاعر طول الوقت.
