ياسمين عز  لشيرين عبد الوهاب: فخورة بيكي وكان نفسي أعمل تسريحة أم العروسة علشانك

أعربت الإعلامية ياسمين عز، عن سعادتها برجوع الفنانة شيرين عبد الوهاب لزوجها حسام حبيب، قائلة:” أنا بجد فخورة بيكي وكان نفسي أعمل تسريحة أم العروسة علشانك.. بس قولت ألبس أبيض علشان أحتفل بالخبر ده .. الست مننا بتبقي عاملة زي النخلة من غير راجل”.

وأضافت “عز”، خلال تقديمها لبرنامج “كلام الناس”، والمذاع عبر قناة ام بي سي مصر، قائلة:” قلنا أن الست ملهاش إلا بيت زوجها قلتوا أطلعوا من البلد، قلنا مفيش كرامة بعد الزواج، والكرامة في الدرج، قلتوا الكرامة ومش عارف أيه، مفيش كرامة بين الزوج وزجته”.

وتابعت:”أهى قدامكم نجمة الدنيا طبقت الكلام بالملى، وقلنا قولى ليه يا سى فلان وكلمتين حلوين ..أهى مجبتش حاجة من عندى ، أهى قالت ليك يا سى حسام.. قلنا صوتك يبقى واطى ومتنقديش زوجك قدام الناس ..أهى طبقت النصيحة بالملى وأعتذرت ليه قدام الوطن العربى كله مش قدام جارتك وصاحبك..شيرين قالت أن صوتها كان عالى وأنها بتعتذر وأحنا مش بنطفش أحنا بنعمر، وقالت حاضر يا سى سيد قصدى يا سى حسام”.