عددت الإعلامية ياسمين عز، مميزات الزوج المنوفى، وكيف أنه يتسم بالكرم والعطاء ومتفاهم بشكل كبير كبير، وتابعت:” يا هناكي وسعدك لو متجوزة راجل من المنوفية، راجل عاقل، ومش أي واحدة تملا دماغه، لو اتجوزتي راجل من المنوفيه ده إنجاز في حد ذاته”.
وأكدت “ياسمين عز، خلال تقديمها برنامج “كلام الناس”، المذاع عبر قناة ” mbcمصر”، أن الزواج من الرجل المنوفى إنجاز في حد ذاته، وتابعت:” ليه إنجاز؟ لأن قراره جه بعد أيام طويلة من الدراسات والمباحثات لحد ما توصل في النهاية إنك الست اللي تستحق يكمل حياته معاها..معروف للجميع إن المنوفية بلد الكرم كله، هتلاقي جوز المنوفي كريم معاكي ومعطاء، وكل اللي في جيبه ليكي إنتي وولادك، مش بعيد يطلع اللقمة من بقه ويديهالك”.
وفى ذات السياق قالت “ياسمين عز”، إن الزوج الدمياطي رزق أيضاً نظراً لانه يتمتع بشخصية مستقيمة لا تعرف اللف والدوران، وتابعت:” اخف دم في الدنيا.. حنين وكسيب ومالوش في شغل اللف والدوران ومش بتملى عينه غير مراته حبيبته”.
