تحدثت الفنانة القديرة يسرا عن موقف والدها من دخول مجال التمثيل مشيرةً إلى خوفها عليه من دخول عالم الفن
وقالت الفنانة يسرا أثناء حلولها ضيفة برنامج “بصمة” المذاع عن رفض والدها دخولها مجال التمثيل”.
وأشارت :”فى اليوم اللى قولت فيه لوالدى إنى عايزة أمثل ، جرى ورايا بالسكينة ولغاية دلوقتى عندى ندبة فى ضهرى من السكينة”.
وأكملت :”والدى أقتنع إنى أمثل و كان بيجى معايا وأنا بمضى العقود وكان مسؤل عنها”.
وتحدثت عن سر موافقتها على فيلم “ليلة العيد”، والذى يعرض حاليا فى السينما من خلال شخصية “عزيزة” التى تعانى من قهر زوجها سيد رجب
قالت الفنانة يسرا خلال ندوتها التي أُقيمت منذ قليل، ضمن فعاليات مهرجان الجونة السينمائي بدورته السادسة: مش بتدخل في السيناريو في كل الأحوال، بس في المسلسلات بتدخل، والفرق إن الفيلم مدته ساعتين والدنيا واضحة وصريحة فيه، لكن في المسلسلات لازم تخدمي على كل الشخصيات وتديهم أدوار حلوة يبانوا فيها، المسلسل بيكون 13 ساعة فلازم تفرشي كل الشخصيات دي.
وتطرقت يسرا للحديث عن المخرج الراحل يوسف شاهين باعتباره من الأساتذة الذين أثروا فيها خلال مشوارها وقالت خلال الماستر كلاس الخاصة بها والمقامة ضمن فعاليات مهرجان الجونة السينمائى: “يوسف شاهين أول مرة قابلته قلت له مش هعرف أشتغل معاك علشان خفت من الفشل وانه هيكون ليه أثر كبير عليا”
وأضافت يسرا :”يوسف شاهين طلب منى أغير لون شعرى من البلوند إلى الأسود فرديت عليه انى هبقى وحشة، ولكنه صمم، ولما ادانى “ورق حدوتة مصرية” قريته 10 مرات مفهمتوش خالص، وهو الأول كان عارض عليا الأول دور الأخت وأنان قلت له إنى عاوزة دور مراته ورحت معتذرة له وعملت حاجات علشان يكرهنى وميكلمنيش تانى”.
وتابعت يسرا:”بعد 3 شهور وانا كنت قاعدة عند خالتى ونايمة لقيت واحد داخل عليا (يوسف شاهين) الأوضة وبيصحينى فجأة ويقولى قومى علشان عندنا تصوير الفيلم، والبسى عقبال ما أعملك القهوة، وكمان فتح الدولاب ونقى كل اللبس بتاع الشخصية فى الفيلم وقلت له حاضر يا أستاذ وعملت الفيلم بنفس الملابس اللى اختارها”.
تابعونا على صفحات موقع الحكاية الرسمية
Elhekayah TV – تليفزيون الحكاية
موضوعات ذات صلة
يسرا عن إعتزال عادل إمام : بكيت لأني مكنتش متوقعة ده والزعيم من حقه يرتاح
