كشفت الفنانة هنادي مهنا، عن دورها في مسلسل “مكتوب عليا”، مؤكدة أنه قفزة في مسيرتها الفنية وأنه يمثل الكثير لها كونه السبب في منحها طاقة إيجابية وفرحة غير عادية.
وأضافت “مهنا”، خلال لقائها ببرنامج “كلمة أخيرة”، والمذاع عبر قناة أون، وتقدمه الإعلامية لميس الحديدي، قائلة:”أنا شغالة في المسلسل ده كنت بقلهم أنا جاية أتعالج عندكم نفسياً من كتر الفرحة والطاقة الايجابية بحبه بشكل مش طبيعي لان كل حاجهفي حلوة لان العمل زي العمارة من بداية إنشائها من المنتج كريم أبو زكري وهو فنان بطبعه ويملك نظرة فنية رهيبة بالاضافة لطقام الاخراج من خالد الحلفاوي والفنانين”.
وتابعت:” كنت محظوظة أني إشتغلت معاهم وفيه راحة نفسية في أجواء العمل مع المخرج خالد الحلفاوي وعملنا سلام في اللوكيشين.. وأكرم حسني من أحسن الحاجات الي حصلتلي في مسيرتي الفنية شخص محترم وبياخد باله من شغله ودمه خفيف وإحنا مشتركين في صفات بنحب الشغل وبنلون الورق وإحنا بنذاكر لترتيب الامور في التحضير وتفاجئت بالاشياء المشتركة بينا وبيحب المزيكا زيي”
وأشارت إلى أن كل المشاهد ضحكتني بكن ضحكت أوي وانا بصور مشهد وهوا داخل علي وأنا بقول في التليفون هكلمك تاني جوزي جه ماعرفناش نمسك نفسنا من الضحك وضحكت في مشاهد كتيرة لحد مابطني وجعتني، مؤكدة أنها لمست نجاح المسلسل في غضون عرض الحلقات الاولى، وتابعت:” فرحت بالنجاح أوي عشان كلنا إشتغلنا بقلبنا”.
