قالت الفنانة ياسمين صبرى، إن أكثر وقت أصيبت فيه بالاكتئاب وتابعت: “أكتر وقت حسيت بالاكتئاب لما جيبت ملحق فى مادة الرياضيات فى الثانوية العامة، وحسيت إنى زودتها أوى، لأن أنا أعصابى هادية أوى”.
وأضافت ياسمين صبري، خلال لقائها ببرنامج “صاحبة السعادة”، والمذاع عبر قناة دي ام سي، وتقدمه الفنانة إسعاد يونس، أنها أخفت عن أهلها خبر رسوبها بمادة الرياضيات واخبرتهم أنها نجحت، وتابعت:” طبعا خبيت على أهلى إنى جيبت ملحق وقلتلهم أنا نجحت، وكنت وقتها باخد فلوس من السباحة وبالفلوس دى أخدت دروس وبقيت متحملة مسؤولية انى سقطت، ودخلت الملحق ونجحت”.
وتابعت:” وقتها بقى عرفت أن عندى اكتئاب لما كنت بصحى وأقول أنا ليه صحيت على الواقع ده اللى هو أنى أجيب ملحق يعنى”.
