علقت المنتجة سارة الطباخ، على أزمة الفنانة شيرين عبد الوهاب، قائلة:” أنه تم الزج باسمي بدون مبرر أنا كنت خايفة على شيرين وعايزة أطمن عليها”.
وأضافت “الطباخ”، خلال مداخلة هاتفية لها ببرنامج “الحكاية”، والمذاع عبر قناة ام بي سي مصر، ويقدمه الإعلامي عمرو أديب، قائلة:”حسام حبيب اتصل بيا وقالي إن الفنانة شيرين عبد الوهاب اتعرضت للضرب وانها مختفية من يوم الخميس ودخلت ياسر قنطوش عشان هو المحامي بتاعي، وهو حاول كتير يوصل لناس كتير يساعدوها”.
وتابعت:” السبب أن حسام حبيب يلجألي إنه عارف إني عارفة ياسر قنطوش، وياسر قنطوش كلم مصطفى كامل وأكدله إن شيرين في مشكلة.. روحتلها المستشفى عشان احنا كلنا عيش وملح مع بعض روحنا المستشفى وقالوا مفيش حد بالاسم ده”.
كما أوضحت سارة الطباخ موقفها عندما شعرت بأن شيرين عبد الوهاب ليست بخير، حيث قالت:” أن “القصة اللي سمعتها ان أخوها ضربها ومكنش معايا رقمه وهو لو كان شايف انه بيعمل حاجة صح لـ شيرين كان كلمني.. أنا اتصلت بشيرين مدبرة المنزل قالتلي انها مسافرة ودي حاجة خلتني أشك أكتر وكان كل همي ان شيرين تكون تمام وإني أشوفها”.
