كشفت الفنانة سوسن بدر، عن علاقتها بالفنانة الراحلة رجاء الجداوي، قائلة: “علاقتي بدأت مع رجاء الجداوي من لما كانت أشهر وأجمل عارضة أزياء، وكانت نموذجا للست الحلوة إزاي تقعد وتتحرك”.
وأضافت “سوسن بدر”، خلال لقائها ببرنامج “معكم منى الشاذلي”، والمذاع عبر قناة سي بي سي، أنها بدأت في عروض الأزياء قبل التمثيل، وقضيت 2 و3 ثانوي في عروض الأزياء، وتابعت: “قرأت إن كان في بيت أزياء ومصر كان فيها بيوت أزياء كبيرة جدا زي أوروبا وباريس وإيطاليا كان منهم بيت أزياء في شارع قصر النيل وطالب عارضات أزياء فقولت أنا هروح”.
وتابعت: “والدي ووالدتي لم يعارضوا ومامتي جت معايا، وفي اليوم ده اتعرفت على مدام رجاء الجداوي.. وكانت بتدربنا بعد ما نجحت أنا وزميلة ليا اسمها رندا، إزاي نقعد وازاي نحط الأيد وازاي منضحكش بصوت عال، إزاي يبقى في رقي بشكل عام، ونقول إيه ومنقولش إيه”.
