الخالة أمونة في مسرحية ريا وسكينة تبقي والدتي.. تعرف على أبرز تصريحات سوسن بدر لمنى الشاذلي

حلت الفنانة سوسن بدر، ضيفة ببرنامج “معكم منى الشاذلي”، والمذاع عبر قناة سي بي سي، وتقدمه الإعلامية منى الشاذلي.

ويسرد موقع الحكاية، أبرز تصريحات الفنانة سوسن بدر، وهي كالتالي:

– والدتي الفنانة آمال سالم لعبت دورا كبيرا فى تشكيل شخصيتي الفنية.

– كنت تذهب المسرح، كثيرا، مع والدتى

– والدتي لم تكن نجمة كبيرة أو تحصل على أدوار بطولة، إلا أنه لا يوجد أحد، حاليًا، يمكنه تقديم دورها بالمسرحية مثلها.

– تربيت على حب رائحة خشبة المسرح وستائره.

– دور والدتها الخالة آمونة في مسرحية ريا وسكينة هو الأقرب لشخصيتي.

– في يوم من الأيام الأضواء كانت لا تنطفئ علينا لحظة، وكنا نجري من استوديو لاستوديو.

– زمان كان حوالينا أضواء كتير والموبايل مابيبطلش رن، دلوقتي كل ده قل.

– أي عمل فني بيكون بالنسبة لي مهمة مقدسة هعملها على أكمل وجه.

– إذا كان مجرد مشهد أو جملة ببذل أقصى جهدي.

– لو قبلت الدور حتى لو صغير بكون في منتهى الإخلاص والتفاني في أداءه مثل أي دور أقدمه.

– ربنا مدانيش موهبة في أي حاجه تانية إلا في التمثيل والطبيخ.

– علاقتي بدأت مع رجاء الجداوي من لما كانت أشهر وأجمل عارضة أزياء.

– رجاء الجداوي كانت نموذجا للست الحلوة إزاي تقعد وتتحرك.

– بدأت في عروض الأزياء قبل التمثيل.

– قضيت 2 و3 ثانوي في عروض الأزياء.

– قرأت إن كان في بيت أزياء ومصر كان فيها بيوت أزياء كبيرة جدا زي أوروبا وباريس وإيطاليا كان منهم بيت أزياء في شارع قصر النيل.

– طالب عارضات أزياء فقولت أنا هروح.

– والدي ووالدتي لم يعارضوا ومامتي جت معايا.

– رجاء كانت بتدربنا بعد ما نجحت أنا وزميلة ليا اسمها رندا، إزاي نقعد وازاي نحط الأيد وازاي منضحكش بصوت عال، إزاي يبقى في رقي بشكل عام، ونقول إيه ومنقولش إيه.