قالت الفنانة سوسن بدر، إنها إذا وافقت على أي عمل فني بيكون بالنسبة لها مهمة مقدسة وهعملها على أكمل وجه، وتابعت:” لو قبلت الدور حتى لو صغير بكون في منتهى الإخلاص والتفاني في أداءه مثل أي دور أقدمه”.
وأضافت “سوسن بدر”، خلال لقائها ببرنامج “معكم منى الشاذلي”، والمذاع عبر قناة سي بي سي، قائلة:” كل يوم يمر علي أشعر أنني لدي القدرة والرغبة والشغف لعمل شيء هو بالنسبة لي بداية عمر جديد ليس له علاقة بالسن”، وتابعت:” بكون خايفة مع كل دور بيجي ليا، وأول يوم تصوير بيكون بالنسبة لي ذعر ورعب، وبكون طوال الوقت خايفة هل أنا اشتغلت كويس ولا لا وعملت شغلي كويس ولا لا”.
وتابعت:” أما بيتعرض ليا شغل مش بتفرج عليه، لأن بيكون عندي ذُعر ربنا ما يوريه لحد، وبكون مستخبية من الناس ومش عايزة أنزل من البيت، وبكون مش عايزة الناس تشوفني.. أما يخلص الشغل ببدأ أشوف الناس هتقولي ايه، وبعتبر الذي سيقال بنسبة أكبر هو المعيار الحقيقي”.
وأكدت الفنانة سوسن بدر، :”ربنا مدانيش موهبة في أي حاجه تانية إلا في التمثيل والطبيخ”.
