علق الإعلامي عمرو أديب، على رد فعل الجمهور على خسارة الزمالك أمام النادي الأهلي بالدوري المصري، قائلا:” إنه وصل مطار القاهرة مساء أمس.. كل ما أبص لحد ألاقيه فرحان.. واحتفالية غير عادية، وكل الناس عايزة تسجل معايا، منه لله رامز جلال”.
وأضاف “أديب”، خلال تقديمه لبرنامج “الحكاية” والمذاع عبر قناة “إم بي سي مصر”، قائلا:”لا الأهلى هيفضل كدة ولا كهربا هيفضل يلعب في الاهلي ، ولا شريف الحريف هيفضل حريف.. كهربا يوم 2 فبراير هينقطع الفولت، البيت الأبيض محتاج يتوضب، وسنظل قادرون، والدوري لسه في الملعب، ووارد جدا نعمل الثلاثية”، وتابع: “الناس كانت بدور عليا بمنكاش، أنا مش رئيس النادي، حالة تحفيل غير طبيعية على العبد لله، نص البلد نامت حزينة”، موجها رسالة إلى مدحت شلبي، “يوم ليك ويوم عليك.. السنادي مش هتبقا ريد، هتبقا بيضة
وتابع:”من أول ما وصلت الاقي حد راقي ايده تلاتة كده، قولت ايه ده سلام الكشافة ده، ويقولولي إنت قولت الزمالك هيكسب خلاص أنا غلط.. بعون الله هناخد الدوري اوعوا يكون عندكم احباط.. الأهلي مش هياخد الدوري السنادي”.
