قال النجم مدحت صالح، إنه من محبي الوحدة وأكثر شيء يحبه الوحدة والانفراد بنفسه، وتابع: “أكثر حاجة بحبها الوحدة وبيسعدني وجودي مع نفسي وأنا عايش في وسط أسرتي وعائلتي وبنتكلم معظم الوقت لكن أنا من المحبين للانفراد بالنفس في وقت من اليوم”.
وأضاف “صالح”، خلال لقائه ببرنامج “حبر سري”، والمذاع عبر قناة القاهرة والناس، أن كل فنان ناجح لا يكون ناجح بمفرده ولابد أن يكون بجانبه فريق محترف، وتابع: “اللي حسه حلو واللي بيبقى ناجح مش بيكون لوحده لازم في فريق محترف حوله، ولو بحضر عمل جديد بحب أكون لوحدي لحد ما احط الاساسيات وبعدين اتعامل”.
وأشار، إلى أن وسائل التواصل الاجتماعي عالم افتراضي ويرى أن الترند كل يوم بشكل متغير، وتابع: “الترند كل يوم في ترند والترند المهم هو اللي يكون في جوهر الحكاية ويستحق ونسقف له إنما أي حاجة كده لا وده كتير بقى كل شويه في ترند”.
