شوق الفنان تامر حسني جمهوره بصور من كواليس فيلمه الجديد “بحبك” ويشاركه في دور البطولة الفنانة هنا الزاهد.
وعبر تامر حسني عن سعادته بمشاركة هنا الزاهد كبطلة للفيلم، بعد ظهورها معه في بداية مشوارها الفني بأحد الأدوار بمسلسل “فرق توقيت” عام 2014،
ونشر تامر عبر حسابه الشخصي بمواقع التواصل الاجتماعي “الفيس بوك” وكتب تامر حسني تعليقا على الصور: “مساء الهنا على أغلى ناس على قلبي أنا، دي صور من أول يومين تصوير لفيلمنا الجديد (بحبك)”.
وأوضح تامر تفاصيل الفيلم وقال : “طبعاً في ناس هتقرأ اسم الفيلم بحبِك و ناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في أحداث فعلاً محيره جداً، الفيلم أكيد فيه ضحك بس في إطار رومانسي بحت مش موجود بقاله كتير”.
وأضاف تامر حسني: “اتشرفت بمشاركة نجمة اليوم والمستقبل الجميله هنا الزاهد و مبسوط أني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم”.
وقال: “مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره، بس في أول يوم تصوير له ههريه صور، و انتظروا بعد أيام انضمام نجمه جميله مميزه من نجوم المستقبل اللي هيكون ليها مستقبل كبير إن شاء الله”.
وأوضح تامر حسني: ” فرحان جداً بإنضمام الفنان الموهوب أوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه”.
واختتم مؤكدا: “الفيلم من إنتاج حبايب قلبي وأصدقاء العمر سينرچي أحمد بدوي، تي ايتش برودكشن حسام حسني، سكاي ليميت أحمد الدسوقي”.
