كتبت – شروق حجازي:
الشاعر محمد ريان صاحب الـ 25 عاماً، تخرج من كلية التربيه النوعية جامعة المنيا في حديث مع الحكاية قائلاً: “أنا اتولدت في مطاي محافظة المنيا في قرية اسمها ادقاق المسك”
اقرأ المزيد.. صاحب جروب بعض من اللطف لـ الحكاية: هدفي مساعدة الناس نفسيًا.. وبحاول أوصف اللي مش قادرين يحكوه
وأضاف: “أول بدايتي في شعر العامية كان وأنا في الثاوية العامة، كنت بحب أسمع شعر واتفرج على حد بيلقي قصيدة أو أقرأ لحد معين، وطبعا مثلي الأعلى الرائع هشام الجخ، وبعد سنين كتير أوي من حبي للهويس جه الوقت اللي بقي صديق عندي على الفيسبوك وكانت من أسعد لحظات حياتي تقريبا”.
وتابع: “أنا بكتب شعر عامية، كتبت أغنية حفلة تخرج كليتنا، كما كتبت قصيدة بفضل الله سمعت معايا وربنا كرمني فيها ومعظم اللي عرفني عرفني بسببها، وهي صورة في برواز دي كنت كاتبها اهداء مني لروح ابويا الله يرحمه اللي سابني وأنا ف تانيه اعدادي “الشيخ ريان ” عليه رحمة الله كان راجل طيب ولين ومسالم أوي وجميل، متأكد إني كل مرة بقول صورة في برواز بيكون سامعني وفرحان بيها وبفرح أوي لما حد يقولي”يا صاحب البيت” أو “لكني ريان يا صبيه” بحس إني عملت قصايد الحمدلله قدرت توصل للناس”.
وأكمل الشاعر محمد ريان حديثه قائلاً: “أنا تمت دعوتي لـ لقاءات تلفزيونية في التلفزيون المصري على نايل فاميلي برنامج شباب كل يوم، وقناة الحدث أيضًا كان ليا لقاء آخر فيها وده اللي قولت فيه بعض قصايدي زي صورة في برواز، حضن غيري، أكتب لمين فيهم، أجدد قصايدي هي الكنز العظيم اللي نزلت لأمي ككلمة شكر على كل اللي عملته معايا والحمدلله القصيدة طالعة من قلبي أوي فكان فيه مردود طيب من اللي سمعوها”.
وأنهى حديثه قائلا: “فيه بقى حاجه بمناسبة عيد ميلادي هتنزل إن شاء الله قريب اسمها “حاجة ساقعة”، اسمها يضحك شويه بس مضمونها يحزن أوي”.
موضوعات ذات صلة:
صاحبة جروب إفهمونا بقا تحكي تجربتها مع الحكاية
تزامنًا مع يوم المرأة.. أعضاء جروب Female يشاركون تجاربهم القاسية وقصص النجاح
جروب SUGARY يحتل التريند بسبب قصص الرعب.. تجارب حقيقية يرويها أصحابها
