صاحب بيدج الهبداية في الكوباية لـ الحكاية: اختي الله يرحمها كانت الداعم الأول.. وبيقولوا عليا مشهور بلده
تحدث صانع المحتوى المعروف سمير سعيد، عن رحلته في عالم السوشيال ميديا، لموقع الحكاية، قائلا: بدأت من سنة التيك توك كنت بادئ بصور بتابلت المدرسة وبعدين تشرت أول فيديو جاب ألف لايك، فرحت بعدين بقى بقيت أنشر فيديوهات لحد ما ربنا كرمني شوية بعدين عملت غرفتي استديو تصوير وكده وبعدها الفديوهات عندي بقت تجيب ملايين المشاهدات.
وتابع: دلوقتي لما الكل عرفني، وبيقولوا عليا مشهور بلده، والكلمة اللي أتشهرت بيها هي الهبداية في الكوباية، مضيفا: حياتي كانت حاجة، ولما دخلت الميديا وبدأت أشتغل بقت حاجة تانية خالص.
وأكمل: والدتي كانت تشجني وكانت تكتب لي أفكار الفيديوهات، ووالدي كان بيعمل كذا أكونت علشان يعملي لايكات منهم علشان يفرحني، واللي خلاني أدخل السوشيال ميديا هي أختي الله يرحمها كان نفسها تبقى مشهورة وبلوجر.
@samir__said اجربها ؟ #ابو_سمرا🖤 #الهبدايه_فى_الكوبايه😂 #طبخ
