قدم الاتحاد المصري لكرة القدم المدرب الجديد للمنتخب الوطني، إيهاب جلال، لوسائل الإعلام في مؤتمر صحفي، ظهر اليوم الأحد، خلفا للمدرب البرتغالي كارلوس كيروش.
ونعى إيهاب جلال، خلال تصريحاته بالمؤتمر الصحفي شهداء الوطن في بداية كلامه، كما وجه الشكر لجمال علام، وكل مكن دعموا قرار تواجده حاليا مع المنتخب الوطني ، معبرا عن تفهمه كل من عارضوا هذا القرار، مضيفًا: “احنا في مرحلة محتاجه تكاتف جميع المسؤولين في الرياضه والجمهور أيضا و الاعلام الرياضي”.
وأضاف: نحن في مهمة اقرب للتكليف ولكنها مهمة مشرفه لنا، وعلينا ضغوطات كبيرة ومسؤوليه كبيرة لن تتحقق إلا بتكاتف ودعم كل المسؤولين و المتواجدين في الوسط الرياضي، جينا بعد مدرب كبير عمل انجازات كبيره وصل نهائي أمم افريقيا وكان على وشك الوصول لكأس العالم، واحنا هنكمل على شغله ونحاول نبدأ من الإيجابيات.
وتابع: عندنا لاعيبه لديها خبرات كبيره وهنعتمد عليهم بشكل كبير وهيقدروا يساعدوا كل الوجوه الجديده اللي ممكن تنضم للمنتخب، وبدأنا منذ أسبوعين في جمع المعلومات عن المنتخبين اللي من المقرر هنلاعبها بعد أقل من شهر ، هنختار ٤٠ لاعب غير المحترفين للماتشبن الجايين. والاولويه هتكون للاعيبه الاكثر جاهزيه واللي بتشارك بشكل مستمر مع فرقهم بالاضافه للمحترفين ،
واستطرد: من ثم هنبدأ نحضر لبعد كده ، هيكون في قوام اكبر للمنتخب سيصل ل ٦٠ لاعب غير المحترفين ، وده تحضير لمرحلة اكبر وابعد شوية و اكيد هيظهر فيهم لاعيبه جديده تكون نواه لمنتخب مصر فيما هو قادم، احنا مش جايبن نعمل فرفه جديده ،، جايين نعمل توليفه من اللاعيبه الخبره وصغار السن علشان نقدر نكون ومظهر بشكل جيد، وهنحاول نعمل ماتش ودي يوم ١٣ او ١٤ و هيكون من غير المحترفين بنسبه كبيرة .
وأضاف: الإعلام الرياضي مهم جدا بالنسبه لنا زيه زي الجمهور .. لمساعدة المنتخب اطالبهم بالدعم الكبير لنا وولمنتخب الوطني حتى لو هناك أراء مختلفه معانا ونحن متفهمين ده ، ونحن نحترم الاعلام الرياضي، كل اللي مسكوا منتخب مصر مدربين مميزين .. معانا لاعيبه كبيرة جدا ومحترفين جيدين جدا و ان شاء الله يكون ليهم دور كبير الفترة الجايه عندنا اتنين امم افريقيا و تصفيات كاس عالم.
وأكد: بناء منتخب جيد وقوي هو هدفنا الأساسي خلال الفترة القادمة، دائما منتخب مصر من اول واقوى المنتخبات المرشحه للفوز بأي بطولة بتشارك فيها، عندنا مهمه سريعه شويه اقل من شهر نلعب مباراتين كون انك تقدر تغيير طريقة لعب وشكل المنتخب في الوقت ده هيكون صعب شوية: هيكون هو نفس اللاعيبة اللي كانت مع كيروش الماتشيين الجايين مع احتمال تغييرات بسيطة.
وأضاف: لو احتاجنا عبدالله السعيد ولو فضل على مستواه الحالي اكيد مش هيمانع لو قولتله تعالى المنتخب، وتواصلت مع محمد صلاح بعد ان توليت المهمه الفنيه للمنتخب و ربنا يوفقه فيما هو قادم هو لاعب له دور كبير جدا مع المنتخب الفترة القادمة، انا مش متابع جيد للانتقادات اللي بتتوجهلي ع السوشيال ميديا … وطالما بينتقدوا باحترام معنديش مشكلة أنا أنظر للانتقادات الايجابية فقط.
