ردا على حديث الماكير محمد عشوب عن وجود ابن للفنان الراحل سمير صبرى من فنانة معروفة، وذهبت التخمينات إلى أنها سماح أنور، نشر الإعلامى عمرو الليثي، على حسابه بـ “فيس بوك” فيديو، للقاء سابق له مع الفنانة سماح أنور.
وقالت سماح أنور خلال لقائها مع الإعلامى عمرو الليثى ببرنامجه “واحد من الناس”: “اتجوزت مرة واحدة أبو أدهم عاطف فوزي، والله مكانتش قصة حب ولكن فى الوقت ده كان فى حب وتوفى عاطف فوزى وأدهم عمره سنتين، كنا فى 1997، وبعد وفاة زوجى مفكرتش أتجوز تانى ووجود أدهم فى حياتى ممنعنيش من الجواز، وشايفة إنه أنسب إنى أكون أم لابنى وخلاص، وأنا حابة أعيش لحد وأقوم الصبح علشانه، لكن لو علشانى مش هقوم من على السرير”.
https://www.facebook.com/Amrellissyofficial/videos/1140192509872060/
وعن ارتباطها بالفنان سمير صبري، ردت قائلة: “كنت أتمنى أتجوزه ومكانش مناسب إننا نتجوز سنًا، وأيا كان إيه السبب عمرنا ما اتكلمنا عن الحاجات دي، وعمرنا ما قولنا لبعض كلام حب، الناس فاكرة إن فيه علاقة بجد بس مفيش علاقة بجد ولا حاجة، فيه صداقة بجد بس مفيش كلام فى الموضوع ده”.
