كشفت الفنانة عبير صلاح الدين، عن خلافها مع الفنان محمد صبحي، وعدم تعاونها معه في الأجزاء الأخيرة من مسلسلهما الشهير يوميات ونيس، قائلة:” الحقيقة بتزعل، لو قلت الحقيقة هزعل ناس كتير جدا، وهيزعلوا مني ناس كتير، وهتهاجم جامد واللجان الإلكترونية هتدخل هتروقني ومحدش هيصدقني، وهيقولوا هو اللي عملها بس ربنا شاهد وربنا عارف”.
وأضافت “صلاح الدين”، خلال لقائها ببرنامج “كلام الناس”، والمذاع عبر قناة ام بي سي مصر، وتقدمه الإعلامية ياسمين أنه بعد 10 سنوات رجعنا نعمل الجزء السادس، وكان حلو وفيه نجوم كثيرة، وعمل رد فعل كويس، وتابعت: “الجزء السابع مكنش ينفع إننا نكمله، لأنه كان مط وتطويل وحصل فيه خلافات كتير وتوقف التصوير مدة 6 شهور صورنا فيه شغل وناس اتخانقوا مع بعض فمشيو فاضطرينا نعيد التصوير تاني ببلاش بدون أجر”.
وتابعت: “كملنا الجزء السادس وإحنا في حالة شد وجذب وناس مشيت وناس قعدت”، موضحه: “أنا كان مشاهدي فيه صامت، ولما خلصنا الجزء السابع بطلوع الروح، وأما قالوا هنعمل التامن أنا رفضت فمحمد صبحي قالي إزاي تعملي كدة”.
