حذر الفنان تامر حسني جمهوره من عدم الذهاب إلى أي مكاتب تحمل اسمه من أجل عمل مقابلات .
وقد كتب تامر حسني عبر حسابه الشخصي على فيس بوك ” بالنسبة للمواهب اللي طلبتها محدش يروح يعمل أي مقابلات في أي مكتب بإسمي، أنا طلبت فيديوهات فقط والفيديوهات بتجيلي كل يوم، محدش يروح أي مشوار لأي مكتب تحت اسمي لأن اللي هيتم اختيارهم للمقابلة هتكلمهم مخرجة الفيلم أستاذة سارة وفيق بشكل مباشر”
وتابع تامر حسني حديثه قائلا : “أي مكتب عايز يرشح حد بيبعتلي فيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة تاني.. الأستاذة سارة هتكلم اللي اختارتهم بنفسها عشان يحضروا المقابلة الأولى”
وكان قد أعلن تامر حسني منذ فترة قصيرة أنه يبحث عن أطفال موهوبين يستطيعون الغناء والتمثيل ونشر صورة له عبر حسابه على Instagram وكتب معلنا عن بحثه عن الأطفال في عمر 9 إلى 13 عاما.
