أكد مرتضى منصور رئيس النادي على ضرورة نبذ التعصب بين جمهور القطبين، الزمالك والأهلي، فهم في النهاية جمهور وطن واحد.
وقال مرتضى منصور في تصريحات تليفزيونية: ” مصر أهم من مرتضى منصور والخطيب، الدعوة مستمرة بالتواجد في مقر الزمالك، أنا في انتظار الرد”.
وأكمل: “محمود الخطيب لو دعاني أزور الأهلي سأتوجه على الفور مع مجلسي بالكامل، وأطالب جماهير الأهلي والزمالك بعدم تبادل الهتافات العدائية بينهما، لعدم تكرار كارثة إندونيسيا في مصر”.
وأردف مرتضى منصور تصريحاته، قائلاً: “تم صرف مرتبات العمال والموظفين واللاعبين والأجهزة الفنية بالنادي رغم الحجز على حسابات الزمالك في البنوك، لكنني لا أستطيع التأخر في منحهم حقوقهم، وجزائي عند الله”.
و أضاف:”فيريرا أكد لينا إنه مش محتاج محمود علاء معاه، وقرر على عدم الاستعانة بخدماته، لذلك قررنا اعارته “.
وأكمل: ” محمود علاء بيمر بحالة نفسية سيئه، وكان محتاج يطلع برا الزمالك، علاقتنا بجمهور الاتحاد واسكندرية علاقه كبيره ومحترمة وممتدة ومش هيعكر صفوها قله من هنا ولا من هنا، احنا زي ما ادينا الإتحاد محمود علاء، ادينا محمد شبانه لسموحه، ودي علاقتنا بشعب اسكندريه، هو انتوا عايزنا نعمل مشاكل مع الناس في المحافظات ونروح ونرجع في عربيه أمن مركزي؟.. لأ الزمالك علاقته بكل الانديه وكل المحافظات محترمه وهتفضل كده
وأكد مرتضى منصور: ” أنا معنديش مشكله مع اسكندريه او اسماعيليه او اي محافظه ، لكن ممكن يبقى عندي مشكله مع مجلس اداره نادي ، هل ده معناه اني اعاقب محافظه كامله عشان خاطر محمد مصيلحي ؟.
وأتم: “محمود علاء عقده ١٢ مليون ومش هيلعب وهيلاعب عليه حسام عبد المجيد ، الراجل قالي مش هلاعبه الموسم ده ، هو كان فاضله ٤ مليون و ٢٠٠ الف و ال٢ مليون كمان ، اسيبه فالنادي عشان تشتمه ؟.
وانتقل بحديثه: ” الزمالك تعاقد مع يوسف حسن لاعب وادي دجلة الصاعد حديثًا”.
وتابع :”جمهور الأهلي كان يطلق على يوسف حسن (محمد صلاح الجديد)”.
وأوضح مرتضى خلال تصريحاته، أن صفقة ضم يوسف حسن جاءت بطلب من المدرب البرتغالي فيريرا، قائلاً :”فيريرا طلب يوسف حسن، ويتبقى الآن صفقتين”.
وكان يوسف حسن (19 عامًا) بدأ مع فريق الشباب بنادي المقاولون العرب، ثم انتقل بعد ذلك إلى صفوف وادي دجلة في فترة الانتقالات الصيفية عام 2021.
